Сэрвач (Менская вобласьць)

Сэрвач (да 2003 году — Вялі́кая Сэ́рвач^[1][2]) — вёска ў Вялейскім раёне Менскай вобласьці. Уваходзіць у склад Людвіноўскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сэрвач.

Сэрвач
трансьліт. Servač
апліца-пахавальня Козел-Паклеўскіх
Былая назва:	Вялікая Сэрвач
Краіна:	Беларусь
Вобласьць:	Менская
Раён:	Вялейскі
Сельсавет:	Людвіноўскі
Насельніцтва:	▼37 чал. (2019)
Часавы пас:	UTC+3
Тэлефонны код:	+375 1771
Паштовы індэкс:	222429
СААТА:	6213834016
Нумарны знак:	5
Геаграфічныя каардынаты:	54°35′22″ пн. ш. 27°17′8″ у. д.
Сэрвач на мапе Беларусі ± Сэрвач Сэрвач
Галерэя здымкаў у Вікісховішчы

Гісторыя

У 1664 г. згадваецца ў складзе Ашмянскага павету ВКЛ^[3].

Маёнткі Кастыкі і Людвінова выдзяляліся зь вялікага спадчыннага маёнтку Сэрвач, пры падзеле якога гаспадыня маёнтку Юлія Козел-Паклеўская вылучыла старэйшаму сыну Юзафу Вялікую Сэрвач са спадчынным сядзібным домам і броварам, Вінцэнту — толькі пабудаваны фальварак Людвінова з закладзенай у ім фэрмай серабрыстых ліс, а малодшаму Тадэвушу — Кастыкі, у якіх быў вадзяны млын.

Славутасьці

• Сядзіба Козел-Паклеўскіх (XIX ст.)
• Капліца-пахавальня Козел-Паклеўскіх

Страчаная спадчына

• Драўляны касьцёл (1852) у 1950-х гг. быў перавезены ў суседнюю вёску Давыдкі і перабудаваны там пад клюб, у 2012 годзе разабраны.
• Прыдарожная капліца, разбурана ў 2012 годзе.

Вядомыя асобы

• Вінцэнт Козел-Паклеўскі (1837—1863) — кіраўнік паўстаньня 1863—1864 гадоў на Вялейшчыне і Маладзечаншчыне.