Гальвідзішкі

Гальвідзішкі, Гальвідышкі (лет. Galvydiškė) — вёска ў Летуве, каля ракі Шоны. Уваходзяць у склад Шаўкянскага староства Кельменскага раёну Шавельскага павету.

Гальвідзішкі лац. Galvidziški
лет. Galvydiškė
Краіна:	Летува
Павет:	Шавельскі
Раён:	Кельменскі
Насельніцтва:	4 чал. (2001)
Часавы пас:	UTC+2
летні час:	UTC+3
Геаграфічныя каардынаты:	55°46′52″ пн. ш. 22°58′26″ у. д.
Гальвідзішкі на мапе Летувы Гальвідзішкі

Назва

Асноўны артыкул: Гальвід

Гельвіда (Gelvidis) і Відыгел або Відыгайл (Widigelus, Widigail) — імёны германскага паходжаньня^[1][2][3]. Паводле менскага дасьледніка Алёхны Дайліды, які разьвівае германскую (перадусім усходнегерманскую) этымалёгію імёнаў літоўскіх князёў і баяраў, фармант -гайл- (-гел-) паходзіць ад гоцкага і бургундзкага gails 'жвавы, свавольны, ганарысты', а фармант -від- — ад гоцкага wida 'повязь, злучэньне, моцнасьць' або ад гоцкага і германскага widus 'дрэва'^[4]. Такім парадкам, імя Гальвід азначае «моц жвавасьці» (тое ж, што і Відзігайла)^[5].

Яшчэ этнограф і мовазнаўца Яўхім Карскі зьвяртаў увагу на тое, што ў латыскай Курляндыі, «большасьць беларускіх населеных месцаў заканчваюцца на -ішкі»^[6], пазьней у рэчышчы палітыкі летувізацыі падобныя тапонімы на -ішкі азначылі як «гістарычна балтыйскія» і нават «тыпова летувіскія»^[7]. Тым часам менскі дасьледнік Алёхна Дайліда зазначае, што «ва ўсходнегерманскіх мовах быў пашыраны суфікс -isk-: такім парадкам, так менаваная „лінія Сафарэвіча“ (мяжа перавагі паселішчаў з назовамі на -ішкі ў Панямоньні) не абавязкова зьнітаваная з балтамі»^[8].

Гісторыя

У XIX ст. Гальвідзішкі ўваходзілі ў склад Шавельскага павету Ковенскай губэрні^[9].

Насельніцтва

• 1902 год — 9 чалавек^[10]