Гальвід

Гальвід (Калівід), Гельвід — мужчынскае імя.

Gelvidis
Паходжаньне
Мова(-ы)	германскія
Утворанае ад	Gelo + Wid
Іншыя формы
Варыянт(ы)	Гельвід, Калівід, Гільвід
Зьвязаныя імёны	Відзігайла
Зьвязаныя артыкулы
якія пачынаюцца з «Ґальвід»

Паходжаньне

Асноўны артыкул: Імёны ліцьвінаў

Гелвіда (Gelvidis^[1]) і Відзігел або Відзігайл (Widigelus, Widigail^[2]) — імёны германскага паходжаньня^[3]. Іменная аснова -гайл- (-гал-, -гел-) (імёны ліцьвінаў Галімунт, Інгела, Монтгайла; германскія імёны Geilmundus, Ingeila, Montigel) паходзіць ад гоцкага і бургундзкага gails 'жвавы, свавольны, ганарысты', а аснова -від- (імёны ліцьвінаў Відмунд, Мельвід, Торвід; германскія імёны Widmund, Melvid, Torvid) — ад гоцкага wida 'повязь, злучэньне, моцнасьць' або ад гоцкага і германскага widus 'дрэва'^[4]. Такім парадкам, імя Гальвід азначае «моц жвавасьці» (тое ж, што і Відзігайла)^[5].

Варыянты імя ў гістарычных крыніцах: Ивашку Коливидовичу шесть чоловековъ (1440—1492 гады)^[6]; Петр Кголвидович (1538 год)^[7]; двора Кголвидишского (11 траўня 1557 году)^[8]; Dominik Ewaryst Gilwid (1801 год)^[9].

Носьбіты

• Пётар Гальвідавіч — жыхар Жамойцкага староства, які ўпамінаецца ў 1538 годзе

На 1881 год існавалі вёска і фальварак Гельвіды ў Ковенскім павеце Ковенскай губэрні^[10].

На 1905 год існаваў маёнтак Гельвідава ў Слонімскім павеце Гарадзенскай губэрні^[11].

У былым Жамойцкім старостве існуе вёска Гальвідзішкі.

Глядзіце таксама

• Гайла
• Від