Ганна (вёска)

Га́нна (польск. Hanna) — вёска ў Польшчы, на рацэ Ганцы. Цэнтар сельскай гміны Ўладаўскага павету Люблінскага ваяводзтва. Знаходзіцца за 19 км на поўнач ад Уладава і за 83 км на паўночны ўсход ад Любліна.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ганна.

Ганна лац. Hanna
польск. Hanna
Былая ўніяцкая царква
Герб Ганны
Першыя згадкі:	1546
Магдэбурскае права:	1546
Краіна:	Польшча
Ваяводзтва:	Люблінскае
Павет:	Уладаўскі
Гміна:	Ганна
Насельніцтва:	719 чал. (2011)
Часавы пас:	UTC+1
летні час:	UTC+2
Паштовы індэкс:	22-220
Нумарны знак:	LWL
Геаграфічныя каардынаты:	51°43′0″ пн. ш. 23°30′0″ у. д.
Ганна на мапе Польшчы Ганна
Галерэя здымкаў у Вікісховішчы

Ганна — даўняе магдэбурскае мястэчка гістарычнай Берасьцейшчыны, побач зь якім праходзіць паўднёва-заходняя мяжа этнічнай тэрыторыі беларусаў. Да нашага часу тут захавалася былая ўніяцкая царква Сьвятых Апосталаў Пятра і Паўла, помнік архітэктуры XVIII ст.

Назва

Паводле мясцовага паданьня, сваю назву вёска атрымала ад імя каралевы і вялікай княгіні Ганны, якая тут спынялася ў час падарожжа на Русь.

Гісторыя

Вялікае Княства Літоўскае

Першы пісьмовы ўпамін пра Ганну датуецца 1546 годам, калі Багдан Багавіцін надаў ёй Магдэбурскае права. Згодна з адміністрацыйна-тэрытарыяльнай рэформай 1565—1566 гадоў мястэчка ўвайшло ў Берасьцейскі павет Берасьцейскага ваяводзтва.

У XVII ст. Ганна ўвайшла ў склад Нясьвіскай ардынацыі князёў Радзівілаў. У 1739 годзе тут збудавалі царкву, фундаваную ў 1750 годзе Геранімам Флярыянам Радзівілам.

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Ганна апынулася ў складзе Расейскай імпэрыі, ува Ўладаўскім павеце Седлецкай губэрні. Гэта адарвала мястэчка ад губэрняў зь пераважна беларускім насельніцтвам. 20 сакавіка 1821 году расейскія ўлады панізілі афіцыйны статус мястэчка да вёскі^[1]. На 1827 год тут было 73 будынкі.

За часамі Першай сусьветнай вайны ў 1915 годзе Ганну занялі войскі Нямецкай імпэрыі.

Найноўшы час

Згодна з Рыскай мірнай дамовай 1921 году Ганна апынулася ў складзе міжваеннай Польскай Рэспублікі. З пачаткам Другой сусьветнай вайны ў 1939 годзе Ганну занялі войскі Трэцяга Райху.

У 1944 годзе Ганну занялі савецкія войскі, па чым яе зноў перадалі Польшчы.

Насельніцтва

• XIX стагодзьдзе: 1827 год — 427 чал.^[2]
• XXI стагодзьдзе: 2011 год — 719 чал.

Турыстычная інфармацыя

Славутасьці

• Царква Сьвятых Апосталаў Пятра і Паўла (1739)

Галерэя

• Краявіды Ганны
• 
  Царква да рэканструкцыі
• 
  Званіца пры царкве
• 
  Капліца пры царкве
• 
  Могілкавая капліца