Геаграфічны цэнтар Эўропы

Месцазнаходжаньне геаграфі́чнага цэ́нтру Эўро́пы зьяўляецца прадметам спрэчак з XVIII стагодзьдзя і заснаванае на вылічэньнях, якія залежаць ад межаў (найдалей пакладзеных пунктаў Эўропы) і на розных спосабах вылічэньня канчатковых вынікаў. Таму існуюць некалькі пунктаў, якія могуць лічыцца гіпатэтычным цэнтрам Эўропы.

Мапа ўсіх каардынатаў праз: OpenStreetMap

Загрузіць каардынаты як: KML · GPX

На мапе чырвонымі кропкамі пазначаныя некаторыя з „цэнтраў Эўропы“:
Дзелавое (Украіна), Крагулі (ці Крэмніцкія Бані, Славаччына), Дрэздэн і Кляйнмайшайд (Нямеччына), Торунь і Сухаволя (Польшча), Бярнатай або Пурнушкі (Летува)

Першым геаграфічны цэнтар Эўропы вылічыў у 1775 року польскі астраном і картограф Шыман Антоні Сабякрайскі. Узяўшы за гранічныя пункты Партугалію, Цэнтральны Ўрал, Нарвэгію і Грэцыю (без уліку астравоў), ён атрымаў месцазнаходжаньне цэнтру ў мястэчку Сухаволі Вялікага Княства Літоўскага, дзе цяпер усталяваны помнік. У Беларусі прынята лічыць, што цэнтар Эўропы знаходзіцца ў возеры Шо (Віцебская вобласьць) або ў Полацку.

Пункты

Цяпер на званьне геаграфічнага цэнтру Эўропы прэтэндуюць:

• Беларусь:
  • Возера Шо каля вёскі Хралы(55°10′55″ пн. ш. 28°15′30″ у. д.) у Віцебскай вобласьці. Гэта было сьцьверджана ў аддзеле картаграфіі Камітэту па зямельных рэсурсах, геадэзіі й картаграфіі пры Саўміне. У падліках выкарыстоўвалася кампутарная праграма, якая была адмыслова распрацаваная на прадпрыемстве «Белкосма-аэрагеадэзія». У падліках Эўропу прынялі за адно цэлае, уключна зь Белым морам, Балтыйскім морам і Брытанскімі выспамі. Усю прастору накрылі інтэгральнай сеткай і вылічылі цэнтральную кропку^[1];

Помнік „Полацак — геаграфічны цэнтар Эўропы(be)“

• • Полацак. Вясной 2008 г. беларускія навукоўцы прапанавалі канчатковы варыянт сваёй працы — цэнтар Эўропы знаходзіцца ў Полацку^[2][3];
• Летува:
  • вёска Гірыя^[4];
  • вёска Пурнушкі^[5] пад Вільняй;
• Славаччына:
  • вёска Крэмніцкія Бані ці суседнія Крагулі пад Крэмніцай^[6];
• Украіна:
  • вёска Дзелавое або мястэчка Рахаў у заходняй Украіне^[7];
• Эстонія:
  • пункт на востраве Саарэмаа^[8].

Глядзіце таксама

• Скрайнія пункты Эўропы
• Геаграфічны цэнтар Беларусі
• Геаграфічны цэнтар Зямлі
• Цэнтральная Эўропа