Генадзь Нявыглас

Гена́дзь Мікала́евіч Нявыглас (нарадзіўся 11 лютага 1954, ст. Парахонск Пінскага раёна Берасьцейскай вобласьці^[1]) — беларускі дзяржаўны дзяяч, старшыня асацыяцыі «Беларуская фэдэрацыя футболу» (2003—2011), дзяржаўны сакратар Савету бясьпекі Рэспублікі Беларусь (2001—2006), кіраўнік Адміністрацыі прэзыдэнта Беларусі (2006—2008).

Генадзь Нявыглас лац. Hienadź Niavyhłas
кіраўнік Адміністрацыі прэзыдэнта Рэспублікі Беларусь[d]
4 студзеня 2006 — 8 ліпеня 2008
Папярэднік	Віктар Шэйман
Наступнік	Уладзімер Макей
Кіраўнік Адміністрацыі прэзыдэнта Беларусі
4 студзеня 2006 — 15 ліпеня 2008
Прэзыдэнт	Аляксандар Лукашэнка
Папярэднік	Віктар Шэйман
Наступнік	Уладзімер Макей
Начальнік Службы бясьпекі прэзыдэнта
4 сьнежня 2000 — 12 верасьня 2001
Прэзыдэнт	Аляксандар Лукашэнка
Папярэднік	Уладзімер Навумаў
Наступнік	Яўген Двярніцкі
Асабістыя зьвесткі
Нарадзіўся	11 лютага 1954(1954-02-11) (71 год) ст. Парахонск Пінскага раёна Берасьцейскай вобласьці
Адукацыя	Маскоўскі пагранічны інстытут ФСБ Расеі[d] (1975) Акадэмія Фэдэральнай службы бясьпекі Расеі[d] (1989)

Біяграфія

Скончыў Маскоўскую вышэйшую памежную камандную вучэльню КДБ і Вышэйшую школу КДБ СССР імя Ф. Э. Дзяржынскага. З 1975 па 2000 год служыў на розных камандных, штабных пасадах у памежных войсках. З пасады намесьніка старшыні Дзяржаўнага камітэту памежных войскаў Рэспублікі Беларусь у лістападзе 2000 году прызначаны начальнікам службы бясьпекі прэзыдэнта Рэспублікі Беларусь. 12 верасьня 2001 году ўказам прэзыдэнта Рэспублікі Беларусь № 4492 прызначаны на пасаду дзяржаўнага сакратара Савету бясьпекі Рэспублікі Беларусь — памагатага прэзыдэнта Рэспублікі Беларусь па пытаньнях нацыянальнай бясьпекі^[2]. Узначальваў асацыяцыю «Беларуская фэдэрацыя футболу» ў 2003—2011 гадах^[3].

Зьяўляецца чальцом Прэзыдыюму Беларускага фізкультурна-спартовага таварыства «Дынама».

У пачатку кастрычніка 2008 году прэзыдэнт А. Лукашэнка падпісаў указ №551, якім у чарговы раз зьмяніў склад Савету бясьпекі. Са складу Савету разам з Генадзем Нявыгласам выведзеныя Віктар Шэйман, Пётар Міклашэвіч і Мікалай Корбут. У яго ўведзеныя генпракурор Рыгор Васілевіч, старшыня КДБ Вадзім Зайцаў, кіраўнік Адміністрацыі прэзыдэнта Ўладзімер Макей і міністар фінансаў Андрэй Харкавец^[4].