Гозьная

Го́зьная (па-польску: Hoźna, на мясцовай беларускай гаворцы: Гво́зна^[2]) — вёска ў Беластоцкім павеце Падляскага ваяводзтва Польшчы. Знаходзіцца ў гміне Міхалова (солтыства Патока).

Гозьная
польск. Hoźna
Былая назва:	Гвозьная
Мясцовая назва:	Гвозна
Краіна:	Польшча
Ваяводзтва:	Падляскае
Павет:	Беластоцкі
Гміна:	Міхалова
Насельніцтва:	35 чал. (2013)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	16-050
Нумарны знак:	BIA
Геаграфічныя каардынаты:	52°58′37″ пн. ш. 23°30′37″ у. д.
Гозьная на мапе Польшчы Гозьная

Насельніцтва

Жыхары вёскі ў большасьці этнічныя беларусы, праваслаўныя (прыход Праабражэньня Гасподняга на Таплянах). Невялікая частка насельніцтва вёскі каталікі (парафія Божага Провіду ў Міхалове^[3]), пераважна з польскай нацыянальнай ідэнтыфікацыяй.

Гісторыя

Вёска існавала ўжо на пачатку 17 стагодзьдзя, была заснаваная ў межах Блудоўскай пушчы і была часткаю малынскага маёнтку. У 1678 г. пражывала тут 8 мужыцкіх сем’яў, а ў 1763 г. ужо 18. Пасьля 1810 г. тутэйшыя мужыкі працавалі ў тапалянскім фальварку. Да 1845 г. колькасьць сем’яў ўзрасла да 25 сем’яў, у тым ліку была адна жыдоўская^[4]. У міжваенны пэрыяд Гозьная прыналежала да гміны Заблудаў Беластоцкага павету Беластоцкага ваяводзтва. Паводле польскага перапісу насельніцтва 1921 г. пражывала тут 191 жыхароў (27 палякаў-каталікоў і 164 праваслаўныя беларусы)^[5]. Пасьля Другой сусьветнай вайны Гозьная была далучаная да гміны Міхалова. У 1950 г. пражывала тут 170 чалавек^[4].