Тапаляны

Тапаля́ны (па-польску: Topolany, на мясцовай беларускай гаворцы: Тополя́ны^[2]) — вёска ў Беластоцкім павеце Падляскага ваяводзтва Польшчы. Знаходзіцца ў гміне Міхалова.

Тапаляны
польск. Topolany
Мясцовая назва:	Тополяны
Краіна:	Польшча
Ваяводзтва:	Падляскае
Павет:	Беластоцкі
Гміна:	Міхалова
Вышыня:	193 м н. у. м.
Насельніцтва:	164 чал. (2013)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	16-050
Нумарны знак:	BIA
Геаграфічныя каардынаты:	53°1′11″ пн. ш. 23°30′44″ у. д.
Тапаляны на мапе Польшчы Тапаляны
Галерэя здымкаў у Вікісховішчы

Побач зь вёскай працякае рака Супрасьль.

Царква Праабражэньня Гасподняга (2 пал. 18 ст.).

Насельніцтва

Жыхары вёскі каталікі (парафія Божага Провіду ў Міхалове^[3]) з польскай нацыянальнай ідэнтыфікацыяй і этнічныя беларусы, у большасьці праваслаўныя (прыход Праабражэньня Гасподняга на месцы).

Гісторыя

Тапаляны былі заснаваныя на землях заблудаўскіх маёмасьцяў Радзівілаў праўдападобна на канцы 17 ст., тады таксама была пабудаваная першая царква^[2]. Пры вёсцы існаваў асобны фалварак, у якім працавалі тутэйшыя мужыкі. Цікава, што царква стала ўніяцкай толькі на пачатку 18 ст., па рашэньні арандатара фальварку Аляксандровіча (у Заблудаве існаваў праваслаўны манастыр). Тапаляны хутка разьвіваліся ў другой палове 18 ст. — у 1763 г. былі тут 52 хаты, а ў 1809 г. ўжо 73. У выніку канфлікту з францускімі жаўнерамі ў 1812 г. Тапаляны былі спаленыя, а палова жыхараў забітая. Амаль 80% жыхароў Тапалянаў падалося ў бежанства ў Расею ў 1915 г., адкуль вярталіся ажно да 1922 г.^[4]. У міжваенны пэрыяд Тапаляны прыналежалі да гміны Заблудаў Беластоцкага павету Беластоцкага ваяводзтва. Паводле польскага перапісу насельніцтва 1921 г. пражывала тут 454 жыхароў (159 палякаў-каталікоў, 289 праваслаўных беларусаў і 6 немцаў-лютэранаў)^[5]. У 1932 г. у Тапалянах была заснаваная самастойная праваслаўная парафія (раней тутэйшая царква прыналежала да парафіі ў Заблудаве^[6].