Готлібішкі

Готлібішкі (лет. Gotlybiškiai) — вёска ў Летуве, на рацэ Цэсарцы. Уваходзяць у склад Шацкага староства Шацкага раёну Мар’ямпальскага павету.

Готлібішкі лац. Gotlibiški
лет. Gotlybiškiai
Краіна:	Летува
Павет:	Мар’ямпальскі
Раён:	Шацкі
Насельніцтва:	388 чал. (2001)
Часавы пас:	UTC+2
летні час:	UTC+3
Геаграфічныя каардынаты:	54°57′50″ пн. ш. 22°52′8″ у. д.
Готлібішкі на мапе Летувы Готлібішкі
Галерэя здымкаў у Вікісховішчы

Назва

Асноўныя артыкулы: Готліб і Глеб

Готліб — імя германскага паходжаньня, якое мае дзьве вэрсіі этымалёгіі (у залежнасьці ад арыгінальнага напісаньня):

• Готліб (Guðleifr^[1], Goteleib) — ад guð 'Бог' і leif 'спадчына'^[2][3].
• Готліб (Gottlieb) азначае «той, каго любіць Бог» і адпавядае грэцкаму імю Theophilos^[4].

Яшчэ этнограф і мовазнаўца Яўхім Карскі зьвяртаў увагу на тое, што ў латыскай Курляндыі, «большасьць беларускіх населеных месцаў заканчваюцца на -ішкі»^[5], пазьней у рэчышчы палітыкі летувізацыі падобныя тапонімы на -ішкі азначылі як «гістарычна балтыйскія» і нават «тыпова летувіскія»^[6]. Тым часам менскі дасьледнік Алёхна Дайліда зазначае, што «ва ўсходнегерманскіх мовах быў пашыраны суфікс -isk-: такім парадкам, так менаваная „лінія Сафарэвіча“ (мяжа перавагі паселішчаў з назовамі на -ішкі ў Панямоньні) не абавязкова зьнітаваная з балтамі»^[7].

Гісторыя

У XIX ст. Готлібішкі ўваходзілі ў склад Уладыславаўскага павету Сувалкаўскай губэрні.

Насельніцтва

• 1827 год — 118 чалавек у Вялікіх Готлібішках і 47 чалавек у Малых Готлібішках^[8]
• 1888 год — 136 чалавек у Вялікіх Готлібішках і 111 чалавек у Малых Готлібішках^[9]