Готліб

Готліб — імя германскага паходжаньня, якое мае дзьве вэрсіі этымалёгіі (у залежнасьці ад арыгінальнага напісаньня):

Готлейф або Готэлейб, пазьней Готліб (Guðleifr^[2], Goteleib^[3]^[4], Gottlieb^[5]), якое складаецца з асноваў -гуд- (-год-, -гут-) (імёны ліцьвінаў Готарт, Гудман, Саўгут; германскія імёны Gotard, Gudman, Savegot), якая паходзіць ад гоцкага guþs 'Бог', gôþs 'добры, старанны, пабожны' або *guts 'гот'^[6], і -леб- (-лейб-, -лейф-) (імя ліцьвінаў Улеб; германскае імя Uleifr), якая паходзіць ад гоцкага laiba 'заставацца'^[7], стараісьляндзкага leifr 'нашчадак'^[8]^[9].
Годэляф або Гудэліў, пазьней Готліб (Godeliaf, Gudeliv^[10], Gottlieb^[11]^[12]), якое складаецца з асноваў -гуд- (-год-, -гут-) і -люб- (імёны ліцьвінаў Любейка, Любень, Любарт; германскія імёны Liubbecha, Luben, Lubert), якая паходзіць ад гоцкага liufs^[13], германскага leuba, стараверхненямецкага liub 'лю́бы, каханы, мілы, прыемны'^[14]. Такім парадкам, імя Готліб азначае «той, каго любіць Бог» і адпавядае грэцкаму імю Theophilos^[15].

У другім выдадку адзначаецца адпаведнасьць з гоцкім імём Гудылюб (Gudilub)^[16]. Жаночае імя — Гудэліва (Gudeliva)^[17].

Варыянты імя ў гістарычных крыніцах: Jerzy Godlib (1796 год)^[18].

Гудэліва († па 536) — жонка караля остготаў Тэадагада
Фрыдрых Готліб Клёпштак (1724—1803) — адзін з найважнейшых нямецкіх паэтаў
Юган Готліб Ган (1745—1818) — швэдзкі хімік і мінэроляг
Готліб Даймлер (1834—1900) — інжэнэр і прамысловы дызайнэр, піянэр у распрацоўцы і выкарыстаньні рухавікоў унутранага згараньня і аўтамабіляў

Готлібы (Gotlib) гербу Габданк^[19] — літоўскі шляхецкі род^[20].

Паходжаньне