Гуналянд

Гуналянд (па-старажытнанарвэску: Húnaland) — легендарная краіна ў Эўропе апісваная ў Скандынаўскіх сагах, яе насельніцтва атаясамліваецца з гунамі й яцьвягамі^[1][2]. У Сазе пра Хэрвэр гаварыцца, што Гуналянд гранічыць з Рэйдготаляндам — зямлёй готаў, а на граніце гэтых дзьвюх краінаў разьмяшчаўся чароўны лес Мірквід, пры гэтым Гуналянд адрозьніваецца як ад Гардарыкі, так і ад Саксоніі.

міталягічная дзяржава Гуналянд лац. Hunaland ст.-нарв. Húnaland
Сьцяг Эўрапейскай Імпэрыі гунаў Тамга Кідарытаў
—
Сталіца	Valterborg
Афіцыйная рэлігія	язычніцтва
Форма ўраду	правадырства
Дынастыя	Баламірыды
Кіраўніцтва дзяржавы
Уладар Гуналянду	Атыла
Папярэднік: Сарматыя Наступнік: Анцкі саюз

Гісторыя

Гуналянд разрабаваў конунг Вальдэмар з Рутэніі^[3].

А раней, на землях Гуналянду пачалася вайна готаў і гунаў, калі правадыр готаў Ангасьцюр забірае сабе ўсю спадчыну ранейшага караля, тады яго брат Хлёд, ад дачкі гунскага ўладара, прыбывае з гунскай арміяй у межы лесу Мірквуд, абвясьціўшы тым самым ім вайну.

Гуны прабіваюцца празь лес у ўладаньні й бяруць штурмам адну з прымежных крэпасьцяў, якую абараняла ваяўніца Хэрвэр.

Затым яны ідуць далей і на Дунаі (Дунхэйд) сустракаюцца з гоцкай арміяй, бітва зь якой доўжыцца некалькі дзён і завяршаецца разгромам гунаў.

Лякалізацыя

Зыходзячы з таго, што з Балтыйскага мора шлях у Гардарыку ляжаў па Дзьвіне й далей па Дняпры, а Саксонію па рацэ Райн, дасьледнікі мяркуюць, што шлях у Гуналянд ляжаў альбо па рацэ Вісьле, альбо па Нёману.

Найбольш дакладная яго лякалізяцыя прынята нядаўна, вобласьць гудаў — яцьвяскага племя, якая ляжыць па Нёману й мяжуе зь вялізным лесам — Белавескай пушчай, вельмі падобная на апісаньні Гуналянду з саг^[3]. Такім чынам, Атыла жыў у горадзе дзесьці ў нізоўях Нёмана й на чале яцьвягаў супрацьстаяў уварваньню готаў на Нёман^[1].

Уладары

• Радзіян Тартарскі — легендарны кароль Гуналянду, згаданы ў Гісторыі Эгіла й Асмунд Берэрк’ябана. Быў забіты двума братамі-этыёпамі, Тор-Бірам і Візінам^[4].
  • Гераўд — легендарны конунг Гардарыкі й Гуналянду, вядомы пераважна па Сазе пра Одду Стралу.
  • Гумлі
  • Меляс
    • Атыла — конунг Гунаналянду ў Сазе пра Тыдрэка Бэрнскага, часьцяком атаясамліваецца з гістарычным Атылай.

Глядзіце таксама

• Імпэрыя гунаў
• Гуны
• Крывіцкае княжаньне