Гута (Ганцавіцкі раён)

Гу́та^[2] — вёска ў Ганцавіцкім раёне Берасьцейскай вобласьці, уваходзіць у склад Нацкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Гута.

Гута
трансьліт. Huta
Краіна:	Беларусь
Вобласьць:	Берасьцейская
Раён:	Ганцавіцкі
Сельсавет:	Нацкі
Насельніцтва
колькасьць:	67 чал. (2009)[1]
колькасьць двароў:	59
Часавы пас:	UTC+3
Тэлефонны код:	+375 1646
Паштовы індэкс:	225453
СААТА:	1216825016
Нумарны знак:	1
Геаграфічныя каардынаты:	52°51′12″ пн. ш. 26°38′24″ у. д.
Гута на мапе Беларусі ± Гута Гута

Гісторыя

Напачатку 19 ст. невялікае сяло Слуцкага павету Менскай губэрні, належала памешчыкам Абуховічам. У 1816 годзе — 10 двароў. Паводле перапісу 1897 году вёска Круговіцкай воласьці Слуцкага павету, 31 двор, 206 жыхароў, працаваў піцейны дом. У 1909 годзе — 37 двароў 229 жыхароў.

У 1921 годзе — вёска ў Круговіцкай гміны Лунінецкага павету Палескага ваяводзтва Польшчы, 46 дамоў, 277 жыхароў.

З 15 студзеня 1940 году ў Ганцавіцкім раёне Пінскай вобласьці. З 12 кастрычніка 1940 году цэнтар Лактыскага сельсавету. У 1940 годзе ў вёсцы 73 двары, 684 жыхары.

З 8 студзеня 1954 году ў Берасьцейскай вобласьці. Паводле перапісу 1959 году 453 жыхары. З 25 сьнежня 1962 году да 30 ліпеня 1966 году ў Ляхавіцкім раёне. Паводле перапісу 1970 г. 329 жыхароў.

Насельніцтва

• 1999 год — 128 жыхароў
• 2009 год — 67 жыхароў, 59 двароў^[1]

Інфармацыя для турыстаў

• Драўляная праваслаўная капліца

Асобы

• Іван Кірэйчык (нар. 1935) — беларускі паэт, пісьменьнік, журналіст
• Уладзімер Марук (1954—2010) — беларускі паэт