Гезела

Гезела (Гізель), Кезела (Кізель, Кезіл, Кізіл) — мужчынскае імя і вытворнае ад яго прозьвішча.

Gesela
Паходжаньне
Мова(-ы)	германскія
Утворанае ад	Giso + суфікс з элемэнтам -л- (-l-)
Іншыя формы
Варыянт(ы)	Гізель, Кезела, Кізель, Кезіл, Кізіл
Вытворныя формы	Казіль
Зьвязаныя артыкулы
якія пачынаюцца з «Ґезела»

Паходжаньне

Асноўны артыкул: Імёны ліцьвінаў

Гезіла, Гезела, Кізела або Кізіла, пазьней Гізэла, Гізэль або Кізэль (Gesila, Gesela, Kisela, Kisila, Gisela^[1], Giesel, Kiesel^[2]) — імя германскага паходжаньня^[3]. Іменная аснова -гез- (-гіз-, -кез-) (імёны ліцьвінаў Геска, Гіжбэрт, Гесмонт; германскія імёны Geske, Gisbert, Gismondus) паходзіць ад гоцкага gais 'суліца, кап’ё'^[4], германскага gaizá 'завостраны кій'^[5].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Gizel, Gizla і Kesil^[6].

У Прусіі адзначаліся прозьвішчы Gesell^[7] і Giessel^[8].

Варыянты імя ў гістарычных крыніцах: Jan Kiezielo (1573 год)^[9]; подъданые… Василемъ Еръкевичомъ Кизиломъ (16 чэрвеня 1582 году)^[10]; мещане… Федоръ Гизель (26 верасьня 1614 году)^[11]; Gizel (Giziel) Eustachius Theodori Wilnensis (1621 і 1633 гады)^[12]; Gizel Alexander Theodori (1631 год)^[12]; Gizielowa… Gizielewicz (1636 год)^[13]; domek Bartłomieja Kizielewicza (1690 год)^[14]; Kiziłow (1744 год)^[15]; Judyta Giezieła (1802 год)^[16].

Носьбіты

• Аляіз, Марта, Даніель, Станіслаў, Васіль, Элеанора, Ёсіф і Ганна Кезілы — жыхары вёскі Залесься (Браслаўскі павет), якія ўпамінаюцца ў 1775 годзе^[17]

Гізілевічы (Gizilewicz) гербу Пабог^[18] — літоўскі шляхецкі род^[19].

Гізялевічы (Gizelewicz) — літоўскі шляхецкі род з Ашмянскага павету^[20].