Дворышча (Жлобінскі раён)

Дво́рышча^[1] — вёска ў Жлобінскім раёне Гомельскай вобласьці Беларусі. Уваходзіць у склад Шчадрынскага сельсавету. Насельніцтва 369 чал. (2004). Знаходзіцца за 35 км на захад ад места Жлобін, за 21 км ад чыгуначнай станцыі Чырвоны Бераг (лінія Бабруйск — Жлобін), за 132 км ад Гомелю.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дворышча.

Дворышча
Першыя згадкі:	XIX ст.
Вобласьць:	Гомельская
Раён:	Жлобінскі
Сельсавет:	Шчадрынскі
Насельніцтва:	369 чал. (2004)
Часавы пас:	UTC+3
Геаграфічныя каардынаты:	52°50′ пн. ш. 29°33′ у. д.
Дворышча на мапе Беларусі Дворышча

Гісторыя

Паводле пісьмовых крыніцаў вядомая з XIX стагодзьдзя як вёска ў Сьцепскай воласьці Бабруйскага павету Менскай губэрні. У 1925 годзе ў Дабравольшчынскім сельсавеце Парыцкага раёну Бабруйскай акругі. У 1929 годзе арганізаваны калгас, працавала кузьня. У часы нямецка-савецкай вайны ў баях за вёску і навакольлі загінулі 68 савецкіх салдатаў і 1 партызан (пахаваны ў брацкай магіле ў цэнтры вёскі). Вызвалена 27 чэрвеня 1944 году. На франтах загінулі 57 жыхароў. З 16 ліпеня 1954 году да 18 студзеня 1965 году цэнтар Дварышчанскага сельсавету Парыцкага, з 29 ліпеня 1961 году Шацілавіцкага, з 25 сьнежня 1962 году Жлобінскага раёнаў Гомельскай вобласьці. Паводле перапісу 1959 году цэнтар калгасу імя В. І. Леніна. Разьмяшчаюцца лясьніцтва, аддзяленьне сувязі, дзевяцігадовая школа, бібліятэка, фэльчарска-акушэрскі пункт, клюб.

Насельніцтва

• XIX стагодзьдзе: 1897 — 54 двары, 372 жыхары (паводле перапісу)
• XX стагодзьдзе: 1925 — 83 двары; 1959 — 820 жыхароў (паводле перапісу)
• XXI стагодзьдзе: 2004 — 161 гаспадарка, 369 жыхароў^[2]