Джаваньні Дзі Лярэнца

Джаваньні Дзі Лярэнца (па-італьянску: Giovanni Di Lorenzo; нар. 4 жніўня 1993 году) — італьянскі футбаліст, абаронца клюбу «Напалі» і нацыянальнай зборнай Італіі.

Джаваньні Дзі Лярэнца
Пэрсанальная інфармацыя
Нарадзіўся	4 жніўня 1993(1993-08-04)[1] (31 год) Кастэльнуова-дзі-Гарфан’яна[d], Люка[d], Таскана, Італія
Рост	184 см
Вага	83 кг
Пазыцыя	абаронца
Клюбная інфармацыя
Клюб	Напалі
Нумар	22
Клюбы
Гады	Клюб	Гульні (галы)¹
2010—2015	Рэджына[d]	58 (0)
2012—2013	→ Кунэо[d]	27 (0)
2015—2017	Матэра[d]	58 (3)
2017—2019	Эмпалі	73 (6)
2019—4	Напалі	212 (14)
Зборныя
2012—2014	Італія Б (да 21)[d]	3 (0)
2012—2013	Італія (да 20)[d]	3 (0)
2013—2014	Італія (да 21)[d]	3 (0)
2019—4	Італія	48 (5)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 23 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 9 чэрвеня 2025.

Кар’ера

Клюбная

Дзі Лярэнца пачынаў сваю кар’еру ў моладзевай сыстэме «Рэджыны» ў 2009 годзе. 29 траўня 2011 году ён дэбютаваў на прафэсійным узроўні ў матчы Сэрыі Б супраць «Сасуолё». Сэзон 2012—2013 гадоў правёў на правах арэнды ў складзе «Кунэо», дзе выходзіў на поле ў 27 матчах і прыцягнуў на сябе ўвагу дзякуючы сваім шматспадзеўным выступам^[2]. Пасьля некалькіх гадоў у найніжэйшых дывізіёнах, у жніўні 2017 году абаронца склаў працоўную дамову з «Эмпалі»^[3]. Дзі Лярэнца дапамог камандзе прабіцца ў Сэрыю А, дэбютаваўшы ў найвышэйшым дывізіёне Італіі 19 жніўня 2018 году ў матчы супраць «Кальяры». 7 чэрвеня 2019 году італьянец далучыўся да «Напалі», які выклаў за гульца 8 мільёнаў эўра^[4]. У свой першы год ён адразу замацаваўся ў першай адзінаццатцы ды здабыў з клюбам Кубак Італіі, адолеўшы ў фінале супраціў «Ювэнтуса». 15 ліпеня 2020 году зьявіліся чуткі аб мажлівым пераходзе футбаліста да шыхтаў ангельскага «Манчэстэр Юнайтэд»^[5], але замест гэтага ён падпісаў новы 5-гадовы кантракт з «Напалі», згодна зь якім падоўжыў супрацу з клюбам да 2026 году^[6]. 14 ліпеня 2022 году Дзі Лярэнца быў прызначаны новым капітанам каманды пасьля сыходу Лярэнца Інсыньне і Каліду Кулібалі^[7]. 4 кастрычніка таго ж году адзначыўся першым голам у Лізе чэмпіёнаў, пацэліўшы мяч у браму «Аякса». Той матч скончыўся пераканаўчай выязной перамогай зь лікам 6:1^[8].

Міжнародная

Прыцягваўся да матчаў моладзевай зборнай краіны. У нацыянальнай зборнай Італіі запачаткаваў кар’еру 15 кастрычніка 2019 году, згуляўшы ў стартавым складзе ў выязным матчы супраць зборнай Ліхтэнштайну, які ягоная каманда перамагла зь лікам 5:0^[9]. У чэрвені 2021 году быў улучаны ў склад зборнай Італіі з 26 чалавек на чэмпіянат Эўропы 2020 году трэнэрам Рабэрта Манчыні^[10]. На гэтым турніры стаў чэмпіёнам Эўропы, адгуляўшы цалкам фінальны матч супраць зборнай Ангельшчыны^[11].

Дасягеньні

«Напалі»:

• Чэмпіён Італіі: 2023, 2025
• Уладальнік Кубка Італіі: 2020

Італія:

• Чэмпіён Эўропы: 2020