Джоэл Фарабі

Джоэл Фа́рабі (па-ангельску: Joel Farabee; нар. 25 лютага 2000 году) — амэрыканскі хакеіст, левы нападнік клюбу «Калгары Флэймз» з Нацыянальнай хакейнай лігі. У 2018 годзе быў абраны на драфце НХЛ клюбам «Філадэлфія Флаерз» у першым раўндзе пад агульным 14-м нумарам.

Джоэл Фарабі
Рост	183 см[1]
Пазыцыя	нападнік
Грамадзянства	ЗША[1]
Дата нараджэньня	25 лютага 2000(2000-02-25)[1] (25 гадоў)
Месца нараджэньня	Сысэра[d], Анандага[d], Нью-Ёрк, ЗША
Клюб	Калгары Флэймз
Выступаў за	Легай Волі Фэнтамз Філадэлфія Флаерз
Драфт НХЛ	14, 2018 Філадэлфія Флаерз
Гульнявая кар’ера	2019 — цяпер

Кар’ера

Фарабі ў матчы супраць «Сіетл Кракена».

Праходзіў падтрыхтоўку праз адмысловую праграму разьвіцьця маладых хакеістаў ЗША. Пазьней на студэнцкім узроўні абараняў колеры Бостанскага ўнівэрсытэту.

25 сакавіка 2019 году ўзгодніў кантракт пачаткоўца зь «Філадэлфіяй Флаерз», пасьля чаго выправіўся ў фарм-клюб «Легай Волі Фэнтамз», дзе здабыцьця адпаведнага досьведу. Ужо ў першых чатырох матчах зарабіў чатыры пункты, зь якіх тры былі здабытыя праз закінутыя шайбы. Пасьля гэтага быў падцягнуты да галоўнай каманды. Хакеіст запачаткаваў кар’еру ў НХЛ 21 кастрычніка 2019 году ў матчы супраць «Вэгас Голдэн Найтс», стаўшы першым гульцом «Флаерз», які нарадзіўся ўжо ў 2000-я гады^[2]. Праз чатыры дні закінуў першую шайбу і аддаў галявую перадачу ў матчы супраць «Чыкага Блэкгокс», але і гол і перадача былі адмененыя праз становішча па-за гульнёй партнэра па камандзе. У наступным месяцы закінуў сваю першую шайбу ў НХЛ у матчы супраць «Нью-Джэрзі Дэвілз».

У сэзоне 2020—2021 гадоў Фарабі зрабіў свой першы хет-трык у НХЛ у пераможным матчы супраць «Нью-Ёрк Айлэндэрз», стаўшы другім наймаладзейшым гульцом «Флаерз», які здолеў дасягнуць гэтага ў рэгулярным сэзоне^[3][4]. Пасьля свайго першага добрага сэзону нападнік падпісаў 2 верасьня 2021 году новы шасьцігадовы кантракт з «Флаерз» на 30 мільёнаў даляраў^[5].

Цягам сэзону 2024—2025 гадоў прыяднаўся да клюбу «Калгары Флэймз»^[6].