Залесьсе (Івейскі раён)

Залесьсе^[1] — вёска ў Суботніцкім сельсавеце Івейскага раёну Гарадзенскай вобласьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Залесьсе (неадназначнасьць).

Залесьсе лац. Zaleśsie
Краіна:	Беларусь
Вобласьць:	Гарадзенская
Раён:	Івейскі
Сельсавет:	Суботніцкі
Насельніцтва:	30 чал. (2009)
Часавы пас:	UTC+3
Тэлефонны код:
Паштовы індэкс:	231341
СААТА:	4229843071
Нумарны знак:	4
Геаграфічныя каардынаты:	54°5′14.798″ пн. ш. 25°49′44.800″ у. д.
Залесьсе на мапе Беларусі ± Залесьсе Залесьсе

Гісторыя

У сярэдзіне XVIII стагодзьдзя фальварак Суботніцкай парафіі Ашмянскага павету Віленскага ваяводзтва.

У 1861 г. вёска (57 рэвіскіх душ) у Жамыслаўскай воласьці Ашмянскага павету Віленскай губэрні, у складзе маёнтка Якунь памешчыцы Дмахоўскай. У 1897 г. у Суботніцкай воласьці, 41 двор, 308 жыхароў. У 1909 г. 44 двары, 295 жыхароў, якія мелі 102 галавы буйной рагатай жывелы, 41 каня, 356 дзесяцін зямлі.

У 1921 г. 25 двароў, 126 жыхароў, у складзе Суботніцкай гміне Валожынскага, з 1926 г. Лідзкага паветаў Наваградзкага ваяводзтва Польшчы.

3 12.10.1940 г. вёска (71 двор. 370 жыхароў) і былы маёнтак (6 двароў, 25 жыхароў) у Суботніцкім сельсавеце Івейскага раёну. 3 25.6.1941 г. да 8.7.1944 г. пад нямецкай акупацыяй.

У 1950 г. арганізаваны калгас «Перамога». У 1970 г. 201 жыхар. Пасьля ў складзе калгаса «Жамыслаўль».

Насельніцтва

• 2009 год — 30 чалавек^[2]
• 1999 год — 53 чалавек, 31 двар