Зарэчча (Жлобінскі раён)

Зарэ́чча^[1] — вёска ў Беларусі. Уваходзіць у склад Шчадрынскага сельсавету Жлобінскага раёну Гомельскай вобласьці. Насельніцтва 78 чал. (2004). Знаходзіцца за 38 км на захад ад места Жлобін, за 14 км ад чыгуначнай станцыі Чырвоны Бераг (лінія Бабруйск — Жлобін), за 129 км ад Гомелю.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Зарэчча.

Зарэчча
Першыя згадкі:	XIX ст.
Вобласьць:	Гомельская
Раён:	Жлобінскі
Сельсавет:	Шчадрынскі
Насельніцтва:	78 чал. (2004)
Часавы пас:	UTC+3
Геаграфічныя каардынаты:	52°56′43.6″ пн. ш. 29°33′45.1″ у. д.
Зарэчча на мапе Беларусі Зарэчча

На поўначы мэліярацыйныя каналы.

Гісторыя

Паводле пісьмовых крыніцаў вядомая з XIX стагодзьдзя як вёска ў Сьцяпоўскай воласьці Бабруйскага павету Менскай губэрні. У 1930 годзе арганізаваны калгас «Абуджэньне», працавалі кузьня і сталярная майстэрня. 15 жыхароў загінулі на франтах Вялікай Айчыннай вайны. Паводле перапісу 1959 году ў складзе калгасу «Прагрэс» (цэнтар — вёска Сьцяпы).

Насельніцтва

• XIX стагодзьдзе: 1897 — 46 двароў, 269 жыхароў (паводле перапісу)
• XX стагодзьдзе: 1925 — 54 двары; 1959 — 308 жыхароў (паводле перапісу)
• XXI стагодзьдзе: 2004 — 42 гаспадаркі, 78 жыхароў^[2]