Сьцяпы

Сьцяпы́^[1] — вёска ў Беларусі. Уваходзіць у склад Шчадрынскага сельсавету Жлобінскага раёну Гомельскай вобласьці. Насельніцтва 379 чал. (2010). Знаходзіцца за 42 км на захад ад места Жлобін, за 12 км ад чыгуначнай станцыі Чырвоны Бераг (лінія Бабруйск — Жлобін), за 125 км ад Гомелю.

Сьцяпы
Краіна:	Беларусь
Вобласьць:	Гомельская
Раён:	Жлобінскі
Сельсавет:	Шчадрынскі
Насельніцтва:	379 чал. (2010)
Часавы пас:	UTC+3
Тэлефонны код:	+375 2334
Паштовы індэкс:	247234
Нумарны знак:	3
Геаграфічныя каардынаты:	52°56′0″ пн. ш. 29°38′0″ у. д.
Сьцяпы на мапе Беларусі ± Сьцяпы Сьцяпы

Гісторыя

Паводле пісьмовых крыніцаў вядомая з XVI стагодзьдзя як вёска ў Бабруйскай воласьці Рэчыцкага павету Менскага ваяводзтва Вялікага Княства Літоўскага. Першая згадка пра вёску ажносіцца да 1526 году, шляхецкая ўласнасьць. З 1769 дзейнічала Сьвята-Тройцкая царква.

Пасьля другога падзела Рэчы Паспалітай (1793) у складзе Расейскай імпэрыі. У 1856 у наёмнай хаце адкрыта школа, а ў 1924 для яе пабудавана будынак. У 1871 замест струхлелага пабудаваны новы драўляны будынак царквы. Цэнтар Сьцяпоўскай воласьці (да 17 ліпеня 1924), у склад якой у 1885 уваходзілі 18 селішчаў з 399 дварамі. Паводле перапісу 1897 году ў вёсцы знаходзіліся народная вучэльня, хлебазапасная крама, заезная хата. Побач быў аднайменны фальварак, гаспадар якога валодаў 196 дзесяцінамі зямлі.

У 1925 сяло Сьцепск, хутар Сьцяпы, мястэчка Новыя Сьцяпы, вадзяны млын, школа. З 20 жніўня 1924 да 16 ліпеня 1954 і з 18 студзеня 1965 да сьнежня 1993 цэнтар Сьцяпоўскага сельсавету Парыцкага раёну Бабруйскай (да 26 ліпеня 1930) акругі, з 20 лютага 1938 Палескай, з 20 верасьня 1944 Бабруйскай, з 8 студзеня 1954 Гомельскай вобласьці. Дзейнічалі сельскагаспадарчыя таварыствы, а ў 1929 годзе арганізаваны калгас «Новае жыцьцё», працавала кузьня. У часе Вялікай Айчыннай вайны акупанты стварылі тут свой апорны пункт, разгромлены партызанамі ў 1943 годзе. Карнікі часткова спалілі вёску. На франтах і ў партызанскай барацьбе загінулі 122 жыхары зь вёсак Сьцяпоўскага сельсавету, у памяць пра іх у 1974 годзе ў цэнтры вёскі былі ўсталяваныя дзьве стэлы і мэмарыяльная сьцяна. Паводле перапісу 1959 году цэнтар калгасу «Прагрэс». Працуюць сярэдняя школа, Дом культуры, бібліятэка, фэльчарска-акушэрскі пункт, дзіцячы сад, аддзяленьне сувязі, 2 крамы.

Насельніцтва

• XIX стагодзьдзе: 1897 — 42 двары, 269 жыхароў (паводле перапісу)
• XX стагодзьдзе: 1925 — сяло Сьцепск: 81 двор, хутар Сьцяпы: 5 двароў, пасёлак Новыя Сьцяпы: 8 двароў; 1940 — 360 жыхароў; 1959 — 365 жыхароў (паводле перапісу); 1999 — 453 жыхары
• XXI стагодзьдзе: 2004 — 140 гаспадарак, 403 жыхары^[2]; 2010 — 379 жыхароў

Вядомыя выхадцы

• Сяргей Пятровіч Анішчанка — Герой Савецкага Саюзу (яго імя носіць вясковая вуліца і школа ў вёсцы Шчадрын, дзе ён вучыўся)