Збляны (Лідзкі раён)

Збля́ны^[1] — вёска ў Лідзкім раёне Гарадзенскай вобласьці, на правым беразе ракі Нёману. Збляны ўваходзяць у склад Беліцкага сельсавету. Знаходзіцца за 35 км на поўдзень ад гораду Ліды і за 6 км на паўднёвы захад ад вёскі Беліцы, злучана зь імі шашою.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Збляны.

Збляны
трансьліт. Zbliany
Краіна:	Беларусь
Вобласьць:	Гарадзенская
Раён:	Лідзкі
Сельсавет:	Беліцкі
Насельніцтва:	68 чал. (2010)
Часавы пас:	UTC+3
Тэлефонны код:	+375 1561
Паштовы індэкс:	231314
СААТА:	4236804021
Нумарны знак:	4
Геаграфічныя каардынаты:	53°36′29″ пн. ш. 25°14′55″ у. д.
Збляны на мапе Беларусі ± Збляны Збляны
Галерэя здымкаў у Вікісховішчы

Вёска Збляны вядома як традыцыйны цэнтар ручнога ткацтва.

Паходжаньне назвы

Назвы з канчаткам «-ны» характэрныя для гэтай мясцовасьці. У Лідзкім раёне 20 вёсак з канчаткам на «-ны»: Бакуны, Гурыны, Дзеўчуны, Дубчаны, Жырмуны, Зарачаны, Вялікія і Малыя Канюшаны, Лазяны, Мастаўляны, Мігуны, Мейлуны, Наркуны, Парачаны, Пецюны, Сіманы, Шаўдзіны, Эйтуны, Янаўляны і Збляны. Шмат такіх вёсак на Ашмяншчыне (Гальшаны, Жупраны, Баруны).

У нізіне каля вёскі была некалі дрыгва, якую тутэйшыя называлі «зыб». Верагодна ад гэтага і пайшла назва мястэчка — Збляны. Жыхарка вёскі Клаўдзія Лазарчук пра паходжаньне назвы згадвае: «Збаны рабілі — уся акруга езьдзіла купляць. А яшчэ пры маёй памяці сталі паліваць фарбамі. І сталі „збаны ляныя“ — выйшла Збляны»^[2].

Гісторыя

У XV стагодзьдзі Збляны ўпершыню згадваюцца ў гістарычных крыніцах.

Насельніцтва

• 2010 год — 68 жыхароў
• 2004 год — 118 жыхароў, 68 двароў
• 1999 год — 139 жыхароў

Помнікі

• Пакроўская царква (пач. ХХ ст.)
• Стаянкі каменнага веку ў ваколіцах вёскі на беразе Нёмана
• Селішча І тыс. н. э. на беразе Нёмана