Знак нумару

Знак ну́мару ці лі́чбавы сы́мбаль (№) зьяўляецца друкарскім (тыпаграфічным) сымбалям, які пазначае парадкавую нумарацыю. Напрыклад, пры выкарыстаньні ⟨№⟩ напісаная доўгая форма адраса «Вуліца імя Кастуся Каліноўскага, дом нумар 2» скарачаецца да «Вуліца імя Кастуся Каліноўскага дом № 2», аднак абедзьве формы вымаўляюцца доўга.

Знак нумару
№
Выява
◄  ® ™ @ # № ¤ | & +  ►
Іншыя назвы	Лічбавы сымбаль
Зьвесткі
Тып	друкарскі знак;
Назва ў Юнікодзе	numero sign
Юнікод	U+2116
HTML	&#8470
UTF-16	0x2116
URL-код	%E2%84%96
усе сымбалі · лацінка · кірыліца · грэцкія · дыякрытыкі · валюты · дапамога

У тэксьце ⟨№⟩ ужываецца толькі зь лікам, ад якога пры наборы аддзяляецца прабелам (напрыклад, № 10). Калі выкарыстоўваюцца здвоеныя знакі, знак нумара не падвойваецца (напрыклад, № 1—9)^[1].

У розных тыпаграфіках

Знак нумару ў розных ґарнітурах

Англамоўныя краіны

У англамоўных краінах выкарыстоўваецца знакі^[2]:

• No.
• No (спалучэньне літар ⟨N⟩ і ⟨o⟩
• # (у літаратуры рэдка)

Беларусь

На Беларусі выкарыстоўваецца клясычны сымбаль №. Выкарыстоўваецца таксама ва Ўкраіне і ў Расеі.

Нямеччына

У Нямеччыны выкарыстоўваецца спалучэньне літар ⟨N⟩ і ⟨r⟩ з кропкай — Nr. Выкарыстоўваецца таксама ў Летуве, Нідэрляндах, Польшчы, Румыніі й Эстоніі.

Францыя

Ува Францыі выкарыстоўваюцца^[3]:

• n^o
• n^os (для множнага ліку)
• n°

Італія, Гішпанія, Партугалія

У Італіі^[4], Гішпаніі^[5][6] й Партугаліі^[7] выкарыстоўваюцца:

• N^o
• n^o
• N.^o
• n.^o
• N.^o
• n.^o
• N^os

Скандынавія

У Скандынавіі выкарыстоўваецца nr. ці nr:.