Кагель

Кагель — мужчынскае імя і вытворнае ад яго прозьвішча.

Cagel
Паходжаньне
Мова(-ы)	германскія
Утворанае ад	Kage + суфікс з элемэнтам -л- (-l-)
Зьвязаныя артыкулы
якія пачынаюцца з «Кагель»

Паходжаньне

Асноўны артыкул: Імёны ліцьвінаў

Кагіла або Кагел, пазьней Кагель (Cagilo, Cagel^[a], Kagel^[1]) — імя германскага паходжаньня, вытворнае ад старажытнага германскага імя Caco (пазьнейшага Kage)^[2]. Іменная аснова каг- паходзіць ад стараісьляндзкага kaga 'глядзець'^[3] або стараверхненямецкага gagan 'супраць'^[4].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Kegel і Kogel^[5].

У Прусіі адзначаліся імёны Kogathe, Kogland, Koglinde^[6]. Апроч таго, у Прусіі бытавала прозьвішча Kagel^[7].

Носьбіты

• Адольф Рышардавіч Кагель — селянін з ваколіцаў Румшышкаў, які меў у валоданьні зямлю на 1882 год^[8]

Кагелі (Kagiel, Kagel, Kahel) гербу Мурдэліё — літоўскі шляхецкі род з Троцкага павету^[9].

На гістарычнай Ковеншчыне існуе вёска Кагелішкі.

Заўвагі

1. Паводле назвы мясцовасьці Cagelenstat