Казіміраўка (Ельскі раён)

Казіміраўка — вёска ў Беларусі, на рацэ Жалонь. Уваходзіць у склад Засінцаўскага сельсавету Ельскага раёну Гомельскай вобласьці. Насельніцтва 23 чал. (2004). Знаходзіцца за 51 км на паўднёвы захад ад Ельску, за 33 км ад чыгуначнай станцыі Славечна (лінія Каленкавічы — Оўруч), за 226 км ад Гомелю, за 1 км ад граніцы з Украінай. Палявая дарога злучае вёску з аўтамабільнай дарогай Засінцы — Ельск.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Казіміраўка.

Казіміраўка
Вобласьць:	Гомельская
Раён:	Ельскі
Сельсавет:	Засінцаўскі
Насельніцтва:	23 (2004)
Геаграфічныя каардынаты:	51°29′32″ пн. ш. 28°45′06″ у. д.
Казіміраўка на мапе Беларусі Казіміраўка

Гісторыя

Упершыню Казіміраўка згадваецца ў XIX ст. як вёска ў складзе Скараднянскай воласьці Мазырскага павету Менскай губэрні. Паводле вынікаў перапісу (1897) тут існаваў вадзяны млын.

Насельніцтва

• XIX стагодзьдзе: 1897 — 8 двароў, 56 жыхароў; (паводле перапісу)
• XX стагодзьдзе: 1917 — 105 жыхароў; 1924 — 30 двароў; 1959 — 117 жыхароў (паводле перапісу)
• XXI стагодзьдзе: 2004 — 16 гаспадарак, 23 жыхароў^[1]