Каралін (Хвойніцкі раён)

Каралін^[a] — былы пасёлак у Хвойніцкім раёне Гомельскай вобласьці. Уваходзіў у склад Паселіцкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Каралін.

Каралін лац. Karalin
Дата заснаваньня:	перад 1837 годам
Краіна:	Беларусь
Вобласьць:	Гомельская
Раён:	Хвойніцкі
Сельсавет:	Паселіцкі
Часавы пас:	UTC+3
Тэлефонны код:	+375 2346
СААТА:	3254836026
Нумарны знак:	3
Геаграфічныя каардынаты:	51°50′45″ пн. ш. 30°5′17″ у. д.
Каралін на мапе Беларусі ± Каралін Каралін

Гісторыя

Нараджэньне і хрост Вольгі Стравінскай. 1837.

Фальварак Карлінаў, арандаваны Ламановічам у Кербедзя да і пасьля 1903 г.

Ці не ўпершыню фальварак Каралін^[b] згаданы ў мэтрычнай кнізе Мікуліцкай Богаяўленскай царквы, калі там у 1837 годзе нарадзілася Вольга, дачка шляхціча Ігнацыя Ігнацыевага і былой сялянкі Аляксандры^[c] Іванавай з роду брагінскіх Скараходаў Стравінскіх^[4].

Надалей фальварак Каралін (Карлиновъ) з 300 дзесяцінамі ўгодзьдзяў названы ажно ў пачатку XX ст. У дакумэнце 1906 году, што да Брагінскага маёнтку пана Міхала Кербедзя, сказана: перад 1903 годам за аддадзены ў арэнду фальварак пан Ламановіч мусіў плаціць штогод па 2200 рублёў; пасьля плата за арэнду на 6 гадоў была павялічаная да 3000 руб.^[5]

Заўвагі

1. У нарматыўным даведніку 2006 г. Каралін названы чамусьці ў пераліку страчаных назваў^[1], а ў Паселіцкім сельсавеце яго й зусім няма, хоць ва ўзорным для аўтараў слоўніку Рапановіча пасёлак прысутны^[2].
2. Ня той фальварак Каралін, пра які пісаў С. В. Марцэлеў^[3], бо апошні месьціўся на тэрыторыі сучаснага Каленкавіцкага раёну.
3. У мэтрыцы памылкова запісаная Елісаветай.