Хвойніцкі раён

Хво́йніцкі раён^[5] (афіцыйная назва — Хо́йніцкі раён) — адміністрацыйна-тэрытарыяльная адзінка ў складзе Гомельскай вобласьці Беларусі. Хвойніцкі раён мяжуе з Брагінскім, Каленкавіцкім, Лоеўскім, Мазырскім, Нараўлянскім і Рэчыцкім раёнамі Гомельскай вобласьці, з Іванкаўскім (да 1988 г. Чарнобыльскім) раёнам Кіеўскай вобласьці Ўкраіны.

Хвойніцкі раён
(Хойніцкі раён)
Герб
Агульныя зьвесткі
Краіна	Беларусь
Статус	раён Беларусі
Уваходзіць у	Гомельская вобласьць
Адміністрацыйны цэнтар	Хвойнікі
Дата ўтварэньня	8 сьнежня 1926
Кіраўнік	Анатоль Бандарэнка[d][1]
Насельніцтва (2018)	19 043[2]
Шчыльнасьць	9,4 чал./км²
Плошча	2027,74[3] км²
Вышыня па-над узр. м.  · сярэдняя вышыня	145 м[4]
Месцазнаходжаньне Хвойніцкага раёну
Мэдыя-зьвесткі
Тэлефонны код	+375 2346
Афіцыйны сайт
Дадатковыя мультымэдыйныя матэрыялы

Насельніцтва

• XX стагодзьдзе: 1999 год — 26 300 чал.
• XXI стагодзьдзе: 2005 год — 25 400 чал.; 2006 год — 23 200 чал.; 2009 год — 22 412 чал.^[6] (перапіс); 2016 год — 19 539 чал.^[7]; 2017 год — 19 191 чал.^[8]; 2018 год — 19 043 чал.^[2]

Асобы

• Караль Прозар (1759—1841) — маршалак Галоўнага Трыбуналу ВКЛ 1787 году, вялікі абозны ВКЛ, адзін з арганізатараў паўстаньня 1794 году, сябра Патрыятычнага таварыства
• Ян Ксенафонт Мікалай Ястржэмбскі (1808—1874) — інжынэр-палкоўнік, вучоны і выкладчык, укладальнік першага расейскамоўнага дапаможніка па практычнай мэханіцы, ляўрэат палавіннай Дзямідаўскай прэміі РАН, аўтар праектаў мастоў праз Дняпро і Заходнюю Дзьвіну, літаратурны містыфікатар
• Язэп Гашкевіч (1814—1875) — першы консул Расейскай імпэрыі ў Японіі, укладальнік першага «Японска-расейскага слоўніку», ляўрэат Дзямідаўскай прэміі РАН
• Аляксандар Аскерка (1830—1911) — аўтар праекту стварэньня Літоўскага земскага крэдытнага таварыства — правобраза будучага ўраду, адзін з кіраўнікоў паўстаньня 1863—1864 гадоў, паўстанцкі начальнік Вільні (1863)
• Хведар Стравінскі (1843—1902) — знакаміты опэрны бас, артыст Марыінскага тэатру ў Пецярбургу, бацька сусьветнавядомага кампазытара Ігара Стравінскага
• Часлаў Пяткевіч (1856—1936) — аўтар найкаштоўнага этнаграфічнага твору «Рэчыцкае Палесьсе» ў трох кнігах: «Матэрыяльная культура», «Духоўная культура», «Грамадзкая культура»
• Кіпрыян Ярмольчык (1871 — пам. перад ВАВ) — дэпутат ІІІ Дзяржаўнай думы Расейскай імпэрыі (1907—1912) ад Рэчыцкага павету Менскай губэрні па сялянскай курыі; трымаў пазыцыю фракцыі трудавікоў
• Іван Мележ (1921—1976) — беларускі празаік, драматург, публіцыст
• Барыс Сачанка (1936—1995) — беларускі пісьменьнік, перакладнік і выдавец
• Алесь Лагвінец (нар. 1972) — беларускі грамадзка-палітычны дзяяч, перакладчык, выкладчык
• Васіль Равяка (1948—2024) — сябра Савету Рэспублікі 4 скліканьня, Герой Беларусі