Карытніца (Гарадзенская вобласьць)

Кары́тніца^[1] — вёска ў Парэцкім сельсавеце Зьдзецельскага раёну Гарадзенскай вобласьці. Да 1 сьнежня 2019 году ўваходзіла ў склад Беліцкага сельсавету Лідзкага раёну.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Карытніца.

Карытніца
трансьліт. Karytnica
Краіна:	Беларусь
Вобласьць:	Гарадзенская
Раён:	Зьдзецельскі
Сельсавет:	Парэцкі
Насельніцтва:	67 чал. (2010)
Часавы пас:	UTC+3
Тэлефонны код:	+375 1563
СААТА:	4236846021
Нумарны знак:	4
Геаграфічныя каардынаты:	53°32′11.3″ пн. ш. 25°8′21.4″ у. д.
Карытніца на мапе Беларусі ± Карытніца Карытніца

Гісторыя

У 1624 годзе згадваецца ў складзе Зьдзецельскай воласьці ва ўласнасьці Сапегаў^[2].

26 верасьня 2016 году вёска перададзеная зь ліквідаванага Пескаўскага ў склад Беліцкага сельсавету^[3].

Прэзыдэнтам Беларусі Аляксандрам Лукашэнкам 15 сакавіка 2019 году быў падпісаны ўказ № 104 «Аб адміністрацыйна-тэрытарыяльным уладкаваньні Берасьцейскай, Гарадзенскай і Менскай абласьцей». Згодна зь ім вёска Карытніца выключаная з складу Лідзкага раёну і ўключаная ў склад Зьдзецельскага раёну. Гэтае рашэньне абумоўленае тым, што гэты сельскі населены пункт аказаўся адзіным у раёне, разьмешчаным на левым беразе Нёману. Дарога ад Ліды да Карытніцы складае 76 км, а ад Зьдзецелу — 23 км. У час правядзеньня грамадзкага абмеркаваньня была атрыманая згода ўсіх жыхароў вёскі на прыняцьце рашэньня аб зьмяненьні межаў раёнаў. Новыя межы ўсталяваныя зь 1 сьнежня 2019 году^[4].

Насельніцтва

• 1999 год — 116 чалавек
• 2010 год — 67 чалавек