Квачы (Гарадзенская вобласьць)

Квачы — вёска ў Ліпнішкаўскім сельсавеце Івейскага раёну Гарадзенскай вобласьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Квачы.

Квачы лац. Kvačy
Краіна:	Беларусь
Вобласьць:	Гарадзенская
Раён:	Івейскі
Сельсавет:	Ліпнішкаўскі
Насельніцтва (1999)
колькасьць:	15 чал.
колькасьць двароў:	10
Часавы пас:	UTC+3
Тэлефонны код:
Паштовы індэкс:	231342
СААТА:	4229835091
Нумарны знак:	4
Геаграфічныя каардынаты:	54°0′10.6″ пн. ш. 25°40′34.8″ у. д.
Квачы на мапе Беларусі ± Квачы Квачы

Гісторыя

У сярэдзіне XIX стагодзьдзі у складзе Івейскай воласьці Ашмянскага павета Віленскай губэрні. Адносілася да маёнтка Іўе графіні Замойскай. У 1861 г. 33 рэвіскія душы. у 1866 г. 15 двароў, 85 жыхароў. Паводле перапісу 1897 г., вёска ў Ліпнішкаўскай воласьці, 22 двары, 133 жыхары. У 1909 г. 26 двароў, 165 жыхароў, 133 дзесяціны зямлі.

У 1921—1939 гг. у Ліпніскай гміне Валожынскага, затым Лідзкага паветаў Наваградзкага ваяводства Польшчы. У 1921 г. 27 двароў, 120 жыхароў.

3 12 кастрычніка 1940 г. вёска ў Ліпнішкаўскім сельсавеце Івейскага раёну. У 1950 г. арганізаваны калгас «Бальшавік». 3 1954 г. у калгасе імя А. В. Суворава, з 1956 г. у калгасе «Авангард». У 1970 г. 73 жыхары. Пасьля ў складзе калгаса «Радзіма».

Інфармацыя для турыстаў

Каля в. Сакавічы знаходзіўся старадаўні могільнік. Другі такі могільнік быў дзесьці ў лесе^[1].

Насельніцтва

• 1999 — 12 двароў, 19 жыхароў.