Контын

Контын, Кундзін (Кондзін), Гунтын, Гудзін (Гондын) — мужчынскае імя і вытворнае ад яго прозьвішча.

Contina
Паходжаньне
Мова(-ы)	германскія
Утворанае ад	Contus + суфікс з элемэнтам -н- (-n-)
Іншыя формы
Варыянт(ы)	Кондзін, Кундзін, Гондын, Гунтын, Гудзін
Вытворныя формы	Контун
Зьвязаныя артыкулы
якія пачынаюцца з «Контын»

Паходжаньне

Асноўны артыкул: Імёны ліцьвінаў

Гундын, Гонтын, Гунтын, Кундын або Контына (Gundin, Gontinus^[1], Guntin, Cundin, Contina^[2]) — імя германскага паходжаньня^[3]. Іменная аснова -гунд- (-гунт-, -кунт-) (імёны ліцьвінаў Гунтар, Вігунт, Вірконт; германскія імёны Guntar, Wigunt, Werecundus) паходзіць ад гоцкага gunþs 'бойка, бітва'^[4].

Адпаведнасьць імя Гунцін германскаму імю Gundin (Guntin) сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[5].

У Прусіі бытавала імя Гундын: Hanke Gundyne (1419 год)^[6].

Варыянты імя ў гістарычных крыніцах: Конътыновы чоловекъ (22 чэрвеня 1415 году^[7] паводле выпісу 9 чэрвеня 1614 году)^[8]; j. m. pana Stefana Uwoynia Kondzinowa (15 сакавіка 1680 году)^[9]; Marianna Gundzinowicz (1828 год)^[10].

Носьбіты

• Контын — літоўскі баярын, які атрымаў ад вялікага князя Вітаўта чалавека ў Калтынянскай воласьці (Жамойць)^[7]

Кундзіновічы (Kundzinowicz) — літоўскі шляхецкі род зь Вільні^[11].

Гондыны (Gondyn) гербу Радван^[12] — літоўскі шляхецкі род^[13].

У XVI ст. існаваў маёнтак Гунтыны ў Жамойцкім старостве^[14].

На 1906 год існавалі вёска і фэрма Кундзенішкі ў Дзьвінскім павеце Віцебскай губэрні^[15].

Контын (Kontien) — былая вёска каля Караляўцу ў Прусіі^[16].

На гістарычнай Ашмяншчыне існуе вёска Конціненты, у гістарычнай Прусіі — Гунтэнэн.