Кругель

Кру́гель^[2] (таксама — Кругэ́ль^[2]) — вёска ў Камянецкім раёне Берасьцейскай вобласьці. Уваходзіць у склад Ратайчыцкага сельсавету.

Кругель
трансьліт. Kruhieĺ
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Ратайчыцкі
Насельніцтва:	6 чал. (2009)[1]
Часавы пас:	UTC+3
Тэлефонны код:	+375 1631
Паштовы індэкс:	224139
СААТА:	1240855036
Нумарны знак:	1
Геаграфічныя каардынаты:	52°20′58″ пн. ш. 23°41′11″ у. д.
Кругель на мапе Беларусі ± Кругель Кругель
Галерэя здымкаў у Вікісховішчы

Гісторыя

Вёска вядомая з другой паловы XV стагодзьдзя, уваходзіла ў склад Берасьцейскага павету Берасьцейскага ваяводзтва Вялікага княства Літоўскага. Кароль Казімер IV дараваў права на валоданьне вёскай Дашко Барубічу^[3].

Пасьля трэцяга падзелу Рэчы Паспалітай (1795) Кругель у складзе Расейскай імпэрыі, належала Берасьцейскаму павету Гарадзенскай губэрні.

У сярэдзіне XIX стагодзьдзя ўладальнікам маёнтку быў памешчык Падгурскі. У гэты час тут была пабудавана драўляная праваслаўная царква сьв. Духу. Паводле перапісу 1897 году ў Кругелі было 17 двароў, 120 жыхароў, царква, карчма. У 1905 г. — 156 жыхароў, у народным вучылішчы 73 навучэнцы^[3].

У 1921 годзе вёска ўвайшла ў склад міжваеннай Польшчы. У 1923 годзе тут было 17 двароў і пражывала 95 жыхароў. З 1939 году ў складзе БССР. У Вялікую Айчынную вайну на франтах загінула 8 жыхароў вёскі^[3].

Царква сьв. Духу XIX стагодзьдзя пабудовы была разабраная ў 1960-я гады^[4].

Насельніцтва

• 2009 год — 6 чалавек^[1]
• 1999 год — 7 чалавек

Асобы

• Уладзімер Гніламёдаў (1937—2024) — беларускі літаратуразнавец, крытык, пісьменьнік