Кузьмы (Івейскі раён)

Кузьмы (Алімкі) — вёска ў Ліпнішкаўскім сельсавеце Івейскага раёну Гарадзенскай вобласьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Кузьмы.

Кузьмы лац. Kuźmy
Былая назва:	Алімкі
Краіна:	Беларусь
Вобласьць:	Гарадзенская
Раён:	Івейскі
Сельсавет:	Ліпнішкаўскі
Насельніцтва (1999)
колькасьць:	8 чал.
колькасьць двароў:	4
Часавы пас:	UTC+3
Тэлефонны код:
Паштовы індэкс:	231338
СААТА:	4229835116
Нумарны знак:	4
Геаграфічныя каардынаты:	53°59′50″ пн. ш. 25°31′30″ у. д.
Кузьмы на мапе Беларусі ± Кузьмы Кузьмы
Галерэя здымкаў у Вікісховішчы

Гісторыя

У сярэдзіне XIX ст. вёска Алімкі ці Кузьмы ў складзе Ліпнішкаўскай воласьці Ашмянскага павету Віленскай губэрні. У 1861 г. 36 рэвіскіх душ, у складзе маёнтка Пачэрня, які належаў Альяшэвічу. у 1866 г. 6 двароў, 82 жыхары. Паводле перапісу 1897 г. 20 двароў, 124 жыхары. У 1909 г. 23 двары, 154 жыхары, 108 дзесяцінаў зямлі.

У 1921—1939 гг. у Ліпніскай гміне Валожынскага, затым Лідзкага паветаў Наваградзкага ваяводзтва Польшчы. У 1921 г. 22 двары, 100 жыхароў.

3 12 кастрычніка 1940 г. вёска (34 двары, 118 жыхароў) ў Некрашоўскім сельсавеце Івейскага раёну. 3 1952 г. у калгасе «Воля». 3 16 ліпеня 1954 г. у Князікоўскім, затым у Сураскім, у Жылёўскім, з 13 студзеня 1967 г. у Ліпнішкаўскім сельсаветах. 3 1960 г. у калгасе «Кастрычнік». У 1970 г. 33 жыхары. Пасьля ў складзе калгасу «Маладая гвардыя».

Інфармацыя для турыстаў

Каля в. Сакавічы знаходзіўся старадаўні могільнік. Другі такі могільнік быў дзесьці ў лесе^[1].

Насельніцтва

• 1999 — 4 двароў, 8 жыхароў.