Кульшычы (Магілёўская вобласьць)

Ку́льшычы^[1] (таксама — Кульшы́чы, Ку́льшыцы, Кульшы́цы^[1]) — былая вёска ў Прапойскім раёне Магілёўскай вобласьці. Уваходзіла ў склад Васькавіцкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Кульшычы.

Кульшычы
трансьліт. Kuĺšyčy
Краіна:	Беларусь
Вобласьць:	Магілёўская
Раён:	Прапойскі
Сельсавет:	Васькавіцкі
Насельніцтва:	0 чал. (2014)
Часавы пас:	UTC+3
Тэлефонны код:	+375 2246
Паштовы індэкс:	213241
СААТА:	7250808036
Нумарны знак:	6
Геаграфічныя каардынаты:	53°28′16″ пн. ш. 30°45′28″ у. д.
Кульшычы на мапе Беларусі ± Кульшычы Кульшычы
Галерэя здымкаў у Вікісховішчы

Вёска была выселена пасьля Чарнобыльскай катастрофы, на момант расьсяленьня ў 1986 годзе ў ім налічвалася ўсяго 400 жыхароў. Па стане на 2011 год пражываў 1 чалавек^[2]. Ліквідавана ў 2014 годзе^[3].

Геаграфія

Геаграфічна вёска знаходзіцца на ўсходзе Прапойскага раёну. Побач зь вёскай знаходзіцца найвышэйшы пункт Прапойскага раёну (189 мэтраў над узроўнем мора) і Кульшыцкае возера^[4]. Ля Кульшычаў зьмешчана братэрская магіла 1943—1944 гадоў, якая зьяўляецца гісторыка-культурнай каштоўнасьцю Рэспублікі Беларусь.

Гісторыя

У 1675 згадваецца як вёска ва ўладаньні ў Якуба Тарабеша ў Рэчыцкім павеце ВКЛ.^[5] У 1751 годзе згадваецца пра пабудову новай царквы Раства Багародзіцы кульшыцкімі старостамі Мікалаем і Кацярынай (з Хелхоўскіх) Курганскімі^[6]. У 1861 была пабудавана царква Раства Багародзіцы. З 1864 маёнтак належаў Лясьнеўскім. У 1913 г. дзейнічала царкоўна-прыходзкая школа^[7]. У 1900 была заснавана бібліятэка для пазашкольнага чытаньня^[8].

Насельніцтва

• 1999 год — 4 чалавекі
• 2011 год — 1 чалавек^[2]
• 2014 год — 0 чалавек

Асобы

• Якаў Барсукоў — адзін з кіраўнікоў партызанскага руху на тэрыторыі Віцебскай вобласьці ў гады Вялікай Айчыннай вайны
• Ісак Сербаў (1871—1943) — беларускі этнограф, фальклярыст і археоляг.