Куніла

Куніла (Кунела) — мужчынскае імя і вытворнае ад яго прозьвішча.

Künel
Паходжаньне
Мова(-ы)	германскія
Утворанае ад	Cuno + суфікс з элемэнтам -л- (-l-)
Іншыя формы
Варыянт(ы)	Кунела
Зьвязаныя артыкулы
якія пачынаюцца з «Куніла»

Паходжаньне

Асноўны артыкул: Імёны ліцьвінаў

Кунула або Кунел, пазьней Кунэль (Chunulo, Cunnell^[1], Künel^[2]) — імя германскага паходжаньня^[3]. Іменная аснова -кон- (-кун-) (імёны ліцьвінаў Кондрут, Конрад, Якун; германскія імёны Cundrud, Konrad, Acun) паходзіць ад гоцкага koni- 'адважны'^[4] або германскага kunja, kuni '(хтосьці) з годнага, шляхецкага роду'^[5].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Kunil (Kunel, Konel)^[6].

Варыянты імя ў гістарычных крыніцах: cum cmetonibus… Belata Kunielowicz (15 сакавіка 1497 году)^[7]; Кунило Грыцковичъ (1498 год)^[8]; Bohdan Konylowicz… Bogdan Kunylowicz… Olyesko Kunylowicz… Manyecz Kunylowycz… Chodor Kunylowicz… Szyenko Kunyelowycz… Manko Kunylowicz (1552—1555 гады)^[9]; Bohdan Kuniłowicz… Bohdan Kunilowicz… Oleszko Kuniłowicz (1561—1566 гады)^[10]; Кунило Абрамовичъ (1567 год)^[11].

Носьбіты

• Куніла Абрамавіч — баярын Мельніцкага павету Падляскага ваяводзтва, які ўпамінаецца ў попісе войска Вялікага Княства Літоўскага 1567 году