Кішчынаслабадзкі сельсавет

Кішчынаслабадзкі́ сельсавет^[a] — былая адміністрацыйна-тэрытарыяльная адзінка ў складзе Барысаўскага раёну Менскай вобласьці. Адміністрацыйны цэнтар — вёска Кішчына Слабада.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Слабадзкі сельсавет.

Гісторыя

20 жніўня 1924 году створаны ў складзе Барысаўскага раёну Барысаўскай акругі (з 9 чэрвеня 1927 году да 26 ліпеня 1930 году — Менскай, з 15 студзеня 1938 году — Менскай вобласьці). 21 жніўня 1925 году сельсавет перададзены Зэмбінскага раёну. 22 верасьня 1927 году раён скасаваны, сельсавет вернуты Барысаўскаму раёну.

8 лютага 2010 году сельсавет скасаваны, усе населеныя пункты — Вільянова, Кабыльшчына, Кішчына Слабада, Падбярэзьзе, Пасека, Селішча, Стралкаўцы, Цімкі — перададзеныя Прыгараднаму сельсавету^[1].

Населеныя пункты

• 1 студзеня 1947 году — 11^[2]

Колішнія населеныя пункты

У склад сельсавету таксама ўваходзілі няісныя цяпер населеныя пункты: Бацвіньнікі, Кажарскія, Несьцераўка, Пажэга, Паплёўкі (Чужпаны)^[3], вёскі Дубовікі, Сьвярдліца і хутар Купель.

Заўвагі

1. Састарэлая назва — Кішчынаслабо́дзкі сельсавет.