Лачын

Лачын (па-азэрбайджанску: Laçın), да 1926 — Абдаляр — горад (з 1923 году) у Азэрбайджане, адміністрацыйны цэнтар Лачынскага раёну. Разьмешчаны на левым беразе ракі Акары, на паўднёва-заходніх схілах Карабаскага горнага сьцягу, на аўтадарозе Стэпанакерт — Гарыс, за 60 км ад Стэпанакерту^[2].

Лачын
арм. Laçın
Горад з:	1923
Былая назва:	Абдаляр (да 1926)
Краіна:	Азэрбайджан
Раён:	Лачынскі
Вышыня:	889 м н. у. м.
Насельніцтва:	▼1627 чал. (2024)[1]
Часавы пас:	UTC+4
Нумарны знак:	41
Геаграфічныя каардынаты:	39°38′27″ пн. ш. 46°32′49″ у. д.
Лачын на мапе Азэрбайджану Лачын
Галерэя здымкаў у Вікісховішчы
http://lachin-ih.gov.az/

Гісторыя

Лачынскі калідор быў адзіным наземным маршрутам, які злучае Армэнію з Нагорным Карабахам у тых межах, у якіх ён існаваў у савецкі час як аўтаномная вобласьць у складзе Азэрбайджану. Непасрэднай мяжы з гэтай вобласьцю тагачасная Армянская ССР ня мела. З 1992 году ў выніку Карабаскай вайны горад Лачын знаходзіўся пад армянскім кантролем.

У адпаведнасьці з пагадненьнем, падпісаным паміж Армэніяй і Азэрбайджанам пасьля вайны ў Нагорным Карабаху ў 2020 годзе, абедзьве краіны павінны былі пабудаваць дарогі ў абыход Лачынскага калідору на працягу трох гадоў. Азэрбайджан у 2022 годзе здаў свой маршрут у эксплёатацыю і патрабаваў ад Армэніі зрабіць тое ж самае, а ад Расеі — вывесьці сваіх міратворцаў. 26 жніўня Азэрбайджан вярнуў горад. Азэрбайджанская армія разьмясьцілася ў Лачыне, пад кантроль таксама былі ўзятыя вёскі Забух і Сус.