Любаны

Люба́ны^[2] — вёска ў Беларусі, каля ракі Гарадцу. Уваходзяць у склад Гіжэнскага сельсавету Прапойскага раёну Магілёўскай вобласьці.

Любаны лац. Lubany
Краіна:	Беларусь
Вобласьць:	Магілёўская
Раён:	Прапойскі
Сельсавет:	Гіжэнскі
Насельніцтва:	75 чал. (2011)[1]
Часавы пас:	UTC+3
Тэлефонны код:	+375 2246
Паштовы індэкс:	213242
Нумарны знак:	6
Геаграфічныя каардынаты:	53°39′36″ пн. ш. 31°5′36″ у. д.
Любаны на мапе Беларусі ± Любаны Любаны

Назва

Асноўны артыкул: Люб

Імя Любана (Liubona) можа мець як славянскае, так і германскае паходжаньне^[3].

Паводле народнай этымалёгіі, назва вёскі паходзіць ад таго, што жыхары Любанаў былі не прыгоннымі, а скарбовымі сялянамі, і паміж імі і панам склалі «палюбоўную сказку»^[4]

Гісторыя

У гістарычных крыніцах упершыню ўпамінаюцца ў 1555 годзе як сяло Любанавічы (у 1572 годзе Любаны).

Згадваюцца ў 1693 годзе, калі дэкрэтам Задворнага асэсарскага суду ў Варшаве тагачаснаму чэрыкаўскаму войту, старадубскаму войскаму Яну-Міхалу Шаблоўскаму, была вынесеная вечная баніцыя, у выніку чаго ён быў пазбаўлены правоў на карыстаньне каралеўскімі маёнткамі, сярод якіх і Любаны, якія былі перададзеныя ў пасэсію прапойскаму старосьце, смаленскаму харунжаму Базылю з Красіна^[5].

За часамі Другой сусьветнай вайны ў жніўні 1943 году нацысты спалілі 102 двары (з 114 двароў да вайны)^[6].

Насельніцтва

• 1910 год — 726 чалавек^[7]
• 1926 год — 651 чалавек^[4]
• 1999 год — 107 чалавек
• 2010 год — 75 чалавек
• 2011 год — 75 чалавек^[1]

Турыстычная інфармацыя

• Братэрскія могілкі савецкіх вайскоўцаў, якія загінулі ў 1941 годзе ў баях супраць нацыстаў; на паўднёвай ускраіне вёскі
• Магілы савецкіх вайскоўцаў, якія загінулі ў кастрычніку 1943 годзе пры заняцьці раёну^[8].