Ляшукі

Ляшукі́ (па-польску: Eliaszuki, на мясцовай беларускай гаворцы: Ляшукі́^[2]) — вёска ў Гайнаўскім павеце Падляскага ваяводзтва Польшчы. Знаходзіцца ў гміне Нараўка.

Ляшукі
польск. Eliaszuki
Былая назва:	Ільяшукі
Мясцовая назва:	Ляшукі
Краіна:	Польшча
Ваяводзтва:	Падляскае
Павет:	Гайнаўскі
Гміна:	Нараўка
Насельніцтва:	92 чал. (31 сакавіка 2021)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-220
Нумарны знак:	BHA
Геаграфічныя каардынаты:	52°55′0″ пн. ш. 23°42′0″ у. д.
Ляшукі на мапе Польшчы Ляшукі
Галерэя здымкаў у Вікісховішчы

Насельніцтва

Жыхары вёскі ў большасьці этнічныя беларусы, праваслаўныя (прыход ў Старым Ляўкове^[3]). Каталіцкая частка насельніцтва (парафія Нараўка^[4]) па этнічных ідэнтыфікацыях — польская.

Гісторыя

Ляшукі заснавалі мужыкі з Старога Ляўкова на пачатку 18 ст. Сям’я Ільяшукоў атрымала дазвол на стварэньне пасекаў у незаселеных лясох нараўкоўскіх добраў. На мяжы фальваркаў Старое Ляўкова і Лука былі створаныя невялікія пасяленьні ўва ўрочышчах: Ельнік (Міхал Ільяшук з сынамі Антонам і Язэпам), Воўчае Горла (Хведар Ільяшук з сынамі Ільлём ды братам Язэпам) ды Васількаў Кут (Мацей Ільяшук з сынамі Якубам, Яльёнам ды Міколам)^[2]. У міжваенны пэрыяд Ляшукі прыналежалі да гміны Тарнаполь (адміністрацыя гміны знаходзілася ў Луцы) Ваўкавыскага павету(be) Беластоцкага ваяводзтва. Паводле польскага перапісу насельніцтва 1921 г. пражывалі тут 249 жыхары (усе праваслаўныя, зь іх 230 былі запісаныя беларусамі і 19 палякамі)^[5].

Вядомыя ўраджэнцы

• Мікалай Самоцік — дзяяч беларускага грамадзкага руху ў Польшчы, старшыня Беларускага грамадзка-культурнага таварыства