Нараўка (гміна)

Гміна Нараўка (па-польску: Gmina Narewka) — сельская гміна ў Гайнаўскім павеце Падляскага ваяводзтва Польшчы.

Гміна Нараўка
Gmina Narewka
Герб
Агульныя зьвесткі
Краіна	Польшча
Ваяводзтва	Падляскае
Павет	Гайнаўскі
Статус	Вясковая гміна
Сядзіба	Нараўка
Дата ўтварэньня	1920 (як гміна Масева)
Войт	Мікола Паўліч
Афіцыйныя мовы	польская, беларуская
Мовы ва ўжытку	польская, беларуская
Насельніцтва (2011)	3898[1]
Шчыльнасьць	11,48 чал./км²
Плошча	339,48 км²
TERYT	2005092
Мапа Гміны Нараўкі
Мэдыя-зьвесткі
Часавы пас	+1
Летні час	+2
Тэлефонны код	85
Код аўтам. нумароў	BHA
Афіцыйны сайт
Дадатковыя мультымэдыйныя матэрыялы

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Нараўка.

Адміністрацыйны цэнтар — вёска Нараўка.

На паўднёвым ўсходзе гміна Нараўка мяжуе з гмінай Белавежа, на паўднёвым захадзе і захадзе — зь гмінай Гайнаўка Гайнаўскага павету, на поўначы — з гмінай Міхалова Беластоцкага павету, а на ўсходзе — з Сьвіслацкім раёнам Гарадзенскай вобласьці (Беларусь).

З 16 чэрвеня 2009 году беларуская мова мае ў гміне статус дапаможнай мовы.

Гісторыя

Абшар сёньняшняй гміны Нараўка засяляўся з раньняга сярэднявечча ўсходнімі славянамі ды балтамі. Войны спынілі асадніцтва ў гэтым раёне і месца паноўна зарасло лесам. У 15-16 ст. большую частку земляў паміж ракамі Нараўка і Нараў займала пушча з адміністрацыйным цэнтрам у Воўпе. На пачатку 16 ст. было створанае ялоўскае стараства з цэнтрам у Ялаўцы, што паспрыяла разьвіцьцю асадніцтва на поўдзень ад Нарві. Абшар сёньняшняй гміны Нараўка быў выдзеляны зь вялікакняжацкіх валоданьняў і праўдападобна пад канец 16 ст. пераданы князям Масальскім. Ставрылі яны тут добра нараўкоўскія з 4 цэнтрамі ў Старым Ляўкове, Гарадзіску, Семяноўцы ды Луцы (усе гэтыя вёскі ў пеўны час атрымоўвалі падвойныя назвы з дадаткам Нараўка). Напрацягу 18 ст. нараўкоўскі ключ сямя Масаьльскіх распрадавала іншым уладальнікам. У канцы 18 ст. закончыўся працэс засяленьня нараўкоўскага ключа. Адміністарцыйна землі прыналежалі галоўным чынам да Ваўкавыскага павету Наваградзкага ваяводзтва ВКЛ. Нараўкоўскія добра мяжавалі з Белавескай пушчай ды Падляскім ваяводзтвам. Пасьля падзелаў Рэчы Паспалітай абшар апынуўся ў складзе Пружанскага ды Ваўкавыскага паветаў Гарадзенскай губэрніі. Пасьля Першай сусьветнай вайны праз абшар сёньняшняй гміны Нараўка праходзіла мяжа паміж Бельскім (гміна Масева з цэнтрам у Нараўцы) ды Ваўкавыскім (гміна Тарнаполь з цэнтрам у Луцы) паветамі Беластоцкага ваяводзтва^[2].