Лёнік Тарасэвіч

Лё́нік Тарасэ́віч, Лявон Тарасевіч (па-польску: Leon Tarasewicz; нар. 14 сакавіка 1957, вёска Валілы, Беластоцкі павет, Падляскае ваяводзтва, Польшча) — польскі мастак беларускага паходжаньня, прафэсар плястычных мастацтваў (2011)^[4].

Лёнік Тарасэвіч
Лявон Тарасевіч (2009)
Імя пры нараджэньні	Leon Tarasewicz
Дата нараджэньня	14 сакавіка 1957(1957-03-14)[1][2] (68 гадоў)
Месца нараджэньня	Валілы, Гарадок, Беластоцкі павет, Падляскае ваяводзтва, Польшча
Месца вучобы	Акадэмія мастацтваў у Варшаве (1984) Q11755777?
Занятак	маляр, малявальнік, прафэсар унівэрсытэту
Навуковая сфэра	інсталяцыя[d] і малярства[3]
Месца працы	Акадэмія мастацтваў у Варшаве
Узнагароды	Прэмія імя прафесара Аляксандра Гейштара[d] (2018) Пашпарт Палітыкі[d] (2000) Прэмія імя Яна Цыбіса[d] (1998)
Лёнік Тарасэвіч у Вікісховішчы

Жыцьцяпіс

Скончыў Плястычны ліцэй у Супрасьлі, а ў 1984 годзе аддзяленьне жывапісу ў Акадэміі мастацтваў у Варшаве. Дыплёмную працу выканаў пад кіраўніцтвам Тадэвуша Дамініка.

Ад 1996 году вядзе ў Акадэміі заняткі па жывапісе. Падкрэсьлівае сваё беларускае паходжаньне й бярэ актыўны ўдзел у жыцьці беларускае дыяспары ў Польшчы. Адзін з заснавальнікаў штогадовага беларускага фэсту «Басовішча». Супрацоўнічае з Варшаўскай галерэяй Фоксаль, Познанскай галерэяй Эго, а таксама зь Любельскай галерэяй Белая. Неаднаразова ўдзельнічаў у мастацкіх выставах у Беларусі (IN-FORMATION 95 ды іншыя).

Ёсьць таксама знаным аматарам птушак. Гадуе дэкаратыўных курэй (зьяўляецца суаўтарам кніжкі пра іх), галубоў і бажанаў.

Узнагароды

Літаратурная вечарына. Зьлева направа: выступае Сакрат Яновіч, а перакладае Крыстына Мольды. Італія, Рым, двор Блюмэнштыль, 1998 год. Здымак Л. Тарасевіча.

Атрымаў пашпарт газэты «Polityka» ў 2000, узнагароду імя Яна Цыбіса (таксама ў 2000) і ўзнагароду Фундацыі Зоф’і й Ежага Навасельскіх.

У 2007 годзе Тарасевіч атрымаў Вялікую ўзнагароду Фонду культуры за 2006 год «за істотны ўнёсак у клясычны жывапіс і мастацтва ўвогуле» (па-польску: za konsekwentne rzucanie wyzwania zarówno tradycyjnemu rozumieniu malarstwa, jak i wszelkim konwencjom rozumienia sztuki).

17 студзеня 2011 году «за выбітны ўнёсак у нацыянальную культуру Польшчы, за дасягненьні ў галіне мастацкай творчасьці і выкладчыцкай дзейнасьці» атрымаў Крыж кавалерскі ордэна Адраджэньня Польшчы^[5] (у частцы беларускамоўных крыніцаў назва перакладзена як «Рыцарскі Крыж ордэна Адраджэньня Польшчы»^[6]).

У апублікаваным рэйтынгу 2008 году найдаражэйшых польскіх мастакоў на аўкцыёнах у Польшчы Тарасэвіч займаў 10 пазыцыю: за ягоную карціну, створаную ў 1985 годзе, калекцыянэр заплаціў 150 000 злотых^[7] (каля 45 000 эўра). Карціна ня мае назвы і была створаная пад уражаньнем камяністага марскога ўзьбярэжжа ў швэдзкім мястэчку Варнэнас, куды Тарасэвіч быў запрошаны на пленэр улетку 1985 году. У сьпісе найдаражэйшых польскіх мастакоў на замежных аўкцыёнах Тарасевіч таксама займае 10 месца з 44 100 даляраў ЗША за ягоную карціну алеем, створаную ў 1991 годзе^[8].