Лінда

Лінда — жаночае імя. Мужчынскае імя — Ленд (Ленць).

Lindis
Паходжаньне
Мова(-ы)	германскія
Іншыя формы
Варыянт(ы)	Ленд, Ленць
Зьвязаныя імёны	Ліндзік, Ліндзін Галінт
Зьвязаныя артыкулы
якія пачынаюцца з «Лінда»

Паходжаньне

Асноўны артыкул: Імёны ліцьвінаў

Лінта або Лінда, пазьней Ленд (Linto, Lindis, Lend) — імя германскага паходжаньня^[1]. Іменная аснова -лінд- (-лінт-, -ленд-) паходзіць ад стараверхненямецкага linta 'ліпавы (шчыт)'^[2]. Сярод ліцьвінаў бытавалі імёны Ліндзік, Ліндзін, Галінт. Адзначаліся германскія імёны Lindicke (Lindig), Lendinus, Galind.

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Linda (Linde, Lenda), Lincyk (Linczyk), Lindinne, Lindetold^[3].

Варыянты імя ў гістарычных крыніцах: мужи… на Сенька Ленътевича (1478—1479 гады)^[4]; Павелъ Линда^[5], Витко Лентъвитовичъ^[6] (1528 год)^[a].

Носьбіты

• Павал Лінда — бельскі баярын, які ўпамінаецца ў попісе войска Вялікага Княства Літоўскага 1528 году

Лінды (Linda) гербу Лінда — літоўскі шляхецкі род зь Вількамірскага павету^[10].

Ліндовічы — літоўскі шляхецкі род^[11].

На гістарычнай Лідчыне існуе вёска Ленцішкі.

Заўвагі

1. Таксама:

   • Ліндаўт (адзначалася старажытнае германскае імя Lindolt^[7]): Rafał Lindowt (1820 год)^[8];
   • Даўглінт: люди наших бортевъ… Петка Довкглинтовича (12 траўня 1511 году)^[9]