Лі Ўонэл

Лі Ўонэл (па-ангельску: Leigh Whannell) — аўстралійскі актор, сцэнарыст і прадусар. Атрымаў вядомасьць пасьля напісаньня сцэнара і гульні ў ролі Адама ў фільме «Піла».

Лі Ўонэл
Leigh Whannell
Дата нараджэньня	17 студзеня 1977 (48 гадоў)
Месца нараджэньня	Мэльбурн, Аўстралія
Грамадзянства	Аўстралія
Месца вучобы	Мельбурнскі каралеўскі тэхналагічны інстытут[d] RMIT School of Media and Communication[d]
Занятак	актор, сцэнарыст, прадусар
Навуковая сфэра	кінарэжысура[d][1]
Гады дзейнасьці	2000 — цяпер
Сябра ў	Гільдыя сцэнарыстаў ЗША, Захад[d]
Жанры	фільм жахаў і трылер
IMDb	ID nm1191481
Сайт	thewordinthestone.com
Лі Ўонэл у Вікісховішчы

Біяграфія

Лі Ўонэл нарадзіўся 17 студзеня 1977 году. Зь дзяцінства пісаў аповеды. Працаваў кінакрытыкам на аўстралійскіх тэлешоў, уключаючы Recovery тэлеканала ABC. Гуляў эпізадычную ролю ў фільме «The Matrix Reloaded», а таксама агучыў пэрсанажа з гульні Enter the Matrix.

У кінашколе пазнаёміўся з Джэймзам Ванам. У якасьці заліковай працы яны напісалі сцэнар да фільму «Піла» і зьнялі невялікі эпізод зь яго (ён быў вельмі падобны на эпізод з Амандай, толькі замест Шоўні Сьміт тамака гуляў Лі Ўонэл). Іх кіраўнік быў настолькі ўражаны ўбачаным, што адправіў у Галівуд. Адправіў і забыўся. Празь некалькі месяцаў прыйшоў ліст, у якім гаварылася, што Вана і Ўонэла запрашаюць здымаць фільм па іх сцэнары.

Пасьля посьпеху першай часткі стаў сцэнарыстам «Пілы ІІ» і іншых фільмаў жахаў. Так, у 2007 годзе выйшаў фільм «Dead Silence», над якім ён працаваў разам з Джэймзам Ванам (апошні зьяўляўся ня толькі сцэнарыстам, але яшчэ і рэжысэрам фільму).