Магілёўская (станцыя мэтро)

Магілёўская (трансьліт.: Mahilioŭskaja) — станцыя Аўтазаводзкай лініі Менскага мэтрапалітэну.

Станцыя «Магілёўская»
Аўтазаводзкая лінія
Менскі мэтрапалітэн
Дата адкрыцьця	5 верасьня 2001
Тып плятформы	астраўная
Даўжыня плятформы, м	100
Шырыня плятформы, м	15
Маб. апэратары	А1, МТС, Life:)

п а р Аўтазаводзкая лінія
Каменная Горка Кунцаўшчына Спартыўная Пушкінская Маладзёжная Фрунзенская Няміга Купалаўская Першамайская Пралетарская Трактарны завод Партызанская Аўтазаводзкая Магілёўская ЦЧ-2 «Магілёўскае»

Канструкцыя

Калённая станцыя дробнага закладаньня, трохпралётная, з побач круглых калён. Станцыя двухузроўневая: на ніжнім зьмесцавана прыпынкавая плятформа, на верхнім — уваходныя вестыбюлі й бакавыя пешаходныя галерэі.

Усходы да вестыбюляў пачынаюцца бліжэй да цэнтра пасадкавай плятформы й збольшага зьмесцаваны над ёй. Дзякуючы гэтаму, а таксама двух’яруснаму месцаваньню службовых і тэхнічных памяшканьняў агульная даўжыня станцыйнага комплексу была скарочана са стандартных для менскага метро 280-300 мэтраў до 138.

Інтэр’еры плятформы, вестыбюляў, пешаходных пераходаў выкананы з падзелам прасторы на функцыйныя зоны: зоны транзіту, пасадкі й чаканьня. Адна прастора двух’яруснай плятформавай часткі й вестыбюляў з бакавымі пешаходнымі галерэямі па гарызанталі яднаецца тэмай цёмна-сіняй падвеснай столі ў цэнтральным пралёце станцыі, а па вэртыкалі падзяляецца на два ярусы круглымі калёнамі са сьветлага мармуру.

У адстроі скарыстаны партугальскі мармур, граніт, алюмініевыя падвесныя столі.

На «Магілёўскай» упершыню ў Менску (а таксама ўпершыню сярод усіх мэтрапалітэнаў былога СССР) былі ўсталяваны два ліфты для інвалідаў. Таксама над уваходамі ўпершыню ў Менскім мэтрапалітэне ўсталяваны павільёны аркавай формы з ужываньнем ударатрывалага шкла, якія бароняць лесьвічныя маршы ад дажджу й сьнегу.