Няміга (станцыя мэтро)

Няміга (трансьліт.: Niamiha) — станцыя Аўтазаводзкай лініі Менскага мэтрапалітэну. Станцыя знаходзіцца ў гістарычным цэнтры города Менска і названая па імені ракі Нямігі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Няміга (неадназначнасьць).

Станцыя «Няміга»
Аўтазаводзкая лінія
Менскі мэтрапалітэн
Дата адкрыцьця	31 сьнежня 1990
Тып плятформы	Астраўная
Даўжыня плятформы, м	100
Шырыня плятформы, м	10
Маб. апэратары	А1, МТС, Life:)
Код станцыі	217

п а р Аўтазаводзкая лінія
Каменная Горка Кунцаўшчына Спартыўная Пушкінская Маладзёжная Фрунзенская Няміга Купалаўская Першамайская Пралетарская Трактарны завод Партызанская Аўтазаводзкая Магілёўская ЦЧ-2 «Магілёўскае»

Пры будаўніцтве станцыі вырашаліся складаныя археалягічныя, інжынерныя і горадабудаўнічыя задачы. Перадусім патрэбна было захаваць гістарычны падземны пласт культурнай спадчыны, які вякамі ствараўся ў гэтай зоне Менска. Вялізарнае значэньне мае і гістарычная забудова ў раёне станцыі. Зважаючы на гэтыя ўмовы, былі знойдзеныя нестандартныя канструктыўныя рашэньні па разьмяшчэньні тэхнічных памяшканьняў станцыі, умацаваньню падмуркаў існуючых будынкаў і абарона ад вібрацыі помнікаў архітэктуры.

Архітэктурна-мастацкае рашэньне падпарадкавана гістарычнай значнасьці месца разьмяшчэньня станцыі пры ўпадзеньні ў Сьвіслач ракі Няміга, дзе размяшчаўся Дзядзінец або Замчышча старажытнага Менска. У афармленьні інтэр'еру станцыі рэалізаваная тэма «драўлянага зруба» на калёнах і на сьценах пероннай залы ў спалучэньні з белым мармурам. Сьвяцільні нагадваюць форму карабельных ілюмінатараў, асьвятлюць ладзьдзю як элемэнт, што зьвязвае мінулае і сучаснасьць.

Глядзіце таксама

• Трагедыя на Нямізе

Няміга (станцыя мэтро) — сховішча мультымэдыйных матэрыялаў