Першамайская (станцыя мэтро, Менск)

Першамайская (трансьліт.: Pieršamajskaja) — станцыя Аўтазаводзкай лініі Менскага мэтрапалітэну, разьмешчана паміж станцыямі «Купалаўская» і «Пралетарская». Адкрыта ў 1991 годзе, праз некалькі месяцаў пасьля першага ўчастка Аўтазаводзкай лініі. Адзіная станцыя ў Менскім мэтрапалітэне з бакавым разьмяшчэньнем плятформаў.

Станцыя «Першамайская»
Аўтазаводзкая лінія
Менскі мэтрапалітэн
Дата адкрыцьця	1991
Тып плятформы	Бочныя
Даўжыня плятформы, м	100
Шырыня плятформы, м	10
Маб. апэратары	А1, МТС, Life:)
Код станцыі	215

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Першамайская.

п а р Аўтазаводзкая лінія
Каменная Горка Кунцаўшчына Спартыўная Пушкінская Маладзёжная Фрунзенская Няміга Купалаўская Першамайская Пралетарская Трактарны завод Партызанская Аўтазаводзкая Магілёўская ЦЧ-2 «Магілёўскае»

Будаўніцтва

Першапачаткова станцыя праектавалася з астраўной плятформай, аднак пры будаўніцтве былі дапушчаныя тэхнічныя памылкі — у прыватнасьці, не ўлічана прысутнасьць пылеватых пяскоў паблізу рэчышча Сьвіслачы. У выніку плян тунэляў і станцыі быў зьменены, а дата адкрыцьця станцыі перанесена з 31 сьнежня 1990 году на першае паўгодзьдзе 1991 году. Да заканчэньня будаўніцтва цягнікі другой лініі праязджалі «Першамайскую» транзітам.

Выхады

Выхады «Першамайскай» разьмешчаны ў падземных пераходах на вуліцы Леніна, побач з ракой Сьвіслач, і вядуць да канцэртнай залы «Менск», заводу «Менск Крышталь», ліцэю БДУ і стадыёна «Дынама».