Магілёўскія ведамасьці

«Магілёўскія ведамасьці» (наркам. Магілёўскія ведамасці) — дзяржаўная газэта Беларусі, якая выдаецца ў Магілёве са сьнежня 1990 году і распаўсюджваецца ў Магілёўскай вобласьці.

«Магілёўскія ведамасьці»
Тып	тыднёвік
Заснавальнік	Савет дэпутатаў Магілёўскай вобласьці
Уладальнік	Выканаўчы камітэт Магілёўскай вобласьці
Галоўны рэдактар	Сьвятлана Шутава
Рэдактар	Сьвятлана Шутава[d]
Заснаваная	26 сьнежня 1990 (34 гады таму)
Палітыка	урадавая
Мова	расейская, беларуская
Штаб-кватэра	Магілёў, вул. Першамайская, д. 89
Наклад	13 500 (2018 г.)
Афіцыйны сайт	mogved.by

На 2018 год выходзіла па аўторках (16 палосаў) і пятніцах (24 паласы з тэлепраграмай). Наклад перавышаў 13 500 асобнікаў, зь якіх звыш 13 000 распаўсюджвалі па падпісцы, у тым ліку звыш 2000 асобнікаў сярод ведамасных падпісчыкаў. Рэшту асобнікаў прадавалі праз кіёскі «Белсаюздрука»^[1]. Падпісны індэкс на «Белпошце» 63926^[2].

Мінуўшчына

26 сьнежня 1990 году ў Магілёве выйшаў першы нумар газэты «Магілёўскія ведамасьці». Да 1994 году наклад газэты перавысіў 90 000 асобнікаў^[3]. 22 лютага 2013 году ў выніку далучэньня газэтаў «Магілёўская праўда» і «Дняпроўскі тыдзень» стварылі інфармацыйнае агенцтва «Магілёўскія ведамасьці»^[4]. На жнівень 2013 году штат інфармацыйнага агенцтва складаў 65 супрацоўнікаў, зь якіх каля паловы працавала ў рэдакцыі газэты «Магілёўскія ведамасьці»^[5].

Галоўныя рэдактары

• Рыгор Кісель (1990—1994)
• Барыс Лагоўскі (1994—2004)
• Сьвятлана Шутава (з 2004 году)^[6]