Макс Шчур

Макс Шчур (нар. 1977; Берасьце, цяпер Беларусь) — беларускі паэт, перакладнік, эсэіст.

Макс Шчур лац. Maks Ščur
Асабістыя зьвесткі
Імя пры нараджэньні	Максім Шчур
Нарадзіўся	5 сьнежня 1977 (47 гадоў) Берасьце, Беларуская ССР, СССР
Літаратурная дзейнасьць
Род дзейнасьці	Перакладнік
Гады творчасьці	З 1997 г.
Жанр	Верш, п’еса, раман
Мова	Беларуская
Дэбют	П’еса «Сьмерць тырана» (1997)
Значныя творы	Раман «Там дзе нас няма» (2004)
Прэміі	Літаратурная прэмія імя Янкі Юхнаўца (2004)
Узнагароды	Літаратурная прэмія імя Янкі Юхнаўца (2004) Літаратурная прэмія імя Ежы Гедройца (2016)
Творы на сайце Knihi.com
Творы на сайце Kamunikat.org

Жыцьцяпіс

У 1994—1998 — студэнт Менскага лінгвістычнага ўнівэрсытэту. Ад 1998 жыве ў Чэхіі пад Прагай, дзе атрымаў палітычны прытулак^[1].

Творчасьць

Аўтар п’есы «Сьмерць тырана» (Мн., 1997), зборнікаў вершаў «Амфітэатар» (Прага-Гданьск, 1999), «Раньні збор» (Стакгольм, 2006), «Амальгама» (Мн., 2010)^[2], «Modus bibendi» (2012)^[3] і «Летні час» (Тэрнопаль, 2014)^[4], шэрагу літаратуразнаўчых эсэ, кніг прозы «Там, дзе нас няма» (2004), «Ліст, знойдзены на папялішчы» (Познань, 2011)^[5], «Культуртрэгер» (2013)^[6][7], «Завяршыць гештальт» (Тэрнопаль, 2015)^[8]. Ягоныя вершы друкаваліся ў чэскіх, швэдзкіх і польскіх перакладах.

Вёў інтэрнэт-часопіс niamiesta.se^[9].

Перакладае з чэскай (Гелнэр, Кліма, Рэйнэк), гішпанскай (Кевэда, Борхэс, Лёрка), ангельскай (Кэрал, «Прыгоды Алесі ў дзівоснай краіне»; Лір, «Кніга бязглузду») моваў. Цікавіцца тэорыяй інтэрпрэтацыі, філязофіяй мастацтва, дачыненьнямі культуры й палітыкі.

Прэміі

• Ляўрэат прэміі Янкі Юхнаўца (2004) за раман «Там, дзе нас няма» (неапублікаваны)
• Гішпаніст (Premio Iberoamericano 2003).
• Ляўрэат прэміі Гедройца (2016) за кнігу «Завяршыць гештальт»^[10][11]