Масявічы (Пружанскі раён)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Масявічы, Масевічы.

Масявічы
трансьліт. Masiavičy
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Зеляневіцкі
Насельніцтва:	67 чал. (2010)
Часавы пас:	UTC+3
Тэлефонны код:	+375 1632
Паштовы індэкс:	225158[1]
СААТА:	1256825058
Нумарны знак:	1
Геаграфічныя каардынаты:	52°51′50″ пн. ш. 24°38′26″ у. д.
Масявічы на мапе Беларусі ± Масявічы Масявічы

Масяві́чы^[2] (таксама Масе́вічы^[2]) — вёска ў Пружанскім раёне Берасьцейскай вобласьці. Масявічы ўваходзяць у склад Зеляневіцкага сельсавету. Знаходзяцца за 40 км на паўночны ўсход ад Пружанаў, 37 км ад чыгуначнай станцыі Ваўкавыск на лініі Баранавічы — Сьвіслач. Насельніцтва — 67 жыхароў (2010).

Мінуўшчына

За расейскім часам — у Лыскаўскай воласьці Ваўкавыскага павету Гарадзенскай губэрні, 465 дзесяцін^[3], каталіцкая капліца Струбніцкай парафіі^[4]. На пачатку XX стагодзьдзя 325 жыхароў.

За польскім часам — у гміне Лыскаў Ваўкавыскага павету Беластоцкага ваяводзтва^[5].

Зь верасьня 1939 року ў складзе БССР, з 15 студзеня 1940 у Ружанскім, з 25 сьнежня 1962 у Пружанскім раёнах Берасьцейскай вобласьці (з 8 студзеня да 19 чэрвеня 1954 — Гарадзенскай вобласьці). Паводле перапісу 1959 року ў вёсцы 382 жыхары; у 1970 — 337 жыхароў; у 2003 — 115 жыхароў, 61 гаспадарка.

Да 2006 року вёска ўваходзіла ў склад Лыскаўскага сельсавету. Рашэньнем Берасьцейскага абласнога савету дэпутатаў №261 7 верасьня 2006 року сельсавет скасаваны, яго вёскі ўвайшлі ў склад Зеляневіцкага сельсавету^[6].

Насельніцтва

• 2010 год — 67 чалавек
• 2005 год — 100 чалавек, 56 двароў^[7]
• 1999 год — 120 чалавек

Вядомыя ўраджэнцы і жыхары

• Алег Вялічка, беларускі лекар, двойчы дэпутат ПП НС РБ
• Уладзімер Вялічка, беларускі філёзаф, журналіст