Машкова (Віцебская вобласьць)

Машко́ва^[1] — вёска ў Аршанскім раёне Віцебскай вобласьці. Знаходзіцца за 11 км на паўночны захад ад Воршы, за 1,5 км ад чыгуначнай станцыі Машкова і за 2 км на поўнач ад аўтамагістралі Берасьце — Смаленск (М1). Машкова ўваходзіць у склад Пішчалаўскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Машкова.

Машкова
трансьліт. Maškova
Краіна:	Беларусь
Вобласьць:	Віцебская
Раён:	Аршанскі
Сельсавет:	Пішчалаўскі
Насельніцтва:	14 чал. (2010)
Часавы пас:	UTC+3
Тэлефонны код:	+375 216
СААТА:	2236858076
Нумарны знак:	2
Геаграфічныя каардынаты:	54°34′1″ пн. ш. 30°16′22″ у. д.
Машкова на мапе Беларусі ± Машкова Машкова

Гісторыя

Першае ўпамінаньне 1442 год — уласьнікі С. Гамшэй і Л. Роскі.^[2] Згадваецца ў 1643 годзе як вёска ў Аршанскім павеце Вялікага Княства Літоўскага^[3].

У XIX і пачатку XX стагодзьдзяў цэнтар воласьці Аршанскага павету, уласнасьць Васілеўскіх. У 1910 годзе сяляне валодалі 103 дзесяцінамі зямлі, царкве належала 53 дзесяціны зямлі; хутару Машкова, уласьнік — сьвятар Машкоўскай царквы, належала 40 дзесяцін зямлі; маёнтку Машкова, уласьніца — Н. Казлоўская, належала 298 дзесяцін зямлі; маёнтку Машкова, уласьнік — І. Мянжынскі, належала 180 дзесяцін зямлі.^[4]

З 1867 году дзейнічала земская народная вучэльня. У пачатку ХХ стагодзьдзя настаўнік — Сяргей Ідаловіч.^[5] Машкова — цэнтар сельсавету ў 1924—1961 гадах.

Насельніцтва

• XXI стагодзьдзе: 2010 год — 14 чалавек
• XX стагодзьдзе: 1910 год — 50 мужчын і 49 жанчын, 12 двароў^[4]; 1923 год — 165 чалавек; 1998 год — 36 чалавек, 30 двароў; 1999 год — 50 чалавек
• XIX стагодзьдзе: 1886 год — 77 чалавек, 8 двароў, школа;^[6]

Інфраструктура

Сярэдняя школа.

Славутасьці

• Сьвята-Пакроўская царква (канец XIX стагодзьдзя). У пачатку XX стагодзьдзя — сьвятар Васіль Піневіч.^[5] Цяпер знаходзіцца ў паўразбураным стане.
  • К царкве былі прыпісаны ў 1910 годзе — сяло: Машкова, ; вёскі: Арлоўшчына, Асінаўка, Багрынава, Васькаўшчына, Дрыбіна, Дубовае, Жыляева, Залеглае, Камары, Кашына, Корава, Крынічнае, Малае Корава, Нямірава, Падгайшчына, Пузырова, Слабада, Стар, Сьцяпанавічы, Туравічы, Хлусава, Чаркасова, Чыкоўшчына; маёнткі: Машкова (уласьніца — Н. Казлоўская), Машкова (уласьнік — І. Мянжынскі); фальваркі: Адамава (уласьнік — Федаровіч), Васькаўшчына (уласьнік — В. Някрасава), Гараны (уласьнік — І. Васілеўская), Дуля (уласьнік — Я. Дамброўскі), Дуля (уласьнік — І. Жэнеўскі), Жыляева (уласьнік — А. Мацулевіч), Камары (уласьнік — І. Вайніловіч), Корава (уласьнік — В. Герасімаў), Корава (уласьнік — І. Вайніловіч), Курчукова (уласьнік — А. Кузьмічскі), Машкова-Ліпкі (уласьнік — Я. Тамашэўскі); засьценкі: Загайскі (уласьнік — сялянскае т-ва), Лісічына (уласьнік — сялянскае т-ва), Скрабаўшчына (уласьнік — сяляне Т. Латышаў і Станкевіч), Шчамілаўка (уласьнік — сялянскае т-ва); хутары: Машкова (уласьнік — Машкоўская царква), Халхоўшчына (уласьнік — А. Кузьмінскі).

• Вайсковыя могілкі часоў Другой сусьветнай вайны. Каля школы пахаваны 25 вайскоўцаў. У 1956 годзе пастаўлены абэліск.

Страчаная спадчына

• Сьвята-Ільлінская царква. Да 1839 году парафія Беларускай грэка-каталіцкай царквы. Сьвятар: Язэп Шэлепінскі.^[7]

Асобы

• Мікалай Крукоўскі (26.11.1923 — 30.09.2013) — беларускі філёзаф, культуроляг