Мусака

Мусака (грэц. μουσακάς ад араб. مصقعة‎ — таўчоны) — грэцкая халодная салата з запечанай агародніны і затавак.

Мусака
2006 год
Тып	салата
Нацыянальная страва	грэцкая, арабская, паўночнамакедонская
Паходжаньне	Грэцыя
Рэгіён	Балканы
Аўтар	Нікаляос Цэлемэнтэс
Дата зьяўленьня	1920 год
Час прыгатаваньня	4 гадзіны
Асноўны складнік	баклажаны
Распаўсюджаныя складнікі	бульба, таматы, рэпчатая цыбуля, мацярдушка
Падобныя стравы	капаната
Мусака ў Вікісховішчы

На 1920 годзе грэцкі кухар Нікаляос Цэлемэнтэс спалучыў салату зь ялавічынай і дадаў францускую падліўку бешамэль^[1].

Складнікі

Для прыгатаваньня мусакі бяруць: 6 бульбінаў, па 2 баклажаны і таматы, 300 грамаў фаршу зь ялавічыны, рэпчатую цыбулю і салодкі баўгарскі перац, 2 сталовыя лыжкі таматнай пасты і мацярдушку. Для падлівы бешамэль выкарыстоўваюць: 300 мілілітраў малака, 200 грамаў сыру, 2 яйкі, 50 грамаў масла і 2 сталовыя лыжкі пшанічнай мукі^[1].

Агароднінную мусаку гатуюць з сачавіцай (250 г), мацарэлай (120 г) і 6 сталовымі лыжкамі алею замест фаршу, перцу і таматнай пасты. Таксама дадаюць 2 зубчыкі часнаку, гарбатную лыжку карыцы і галінку размарыну замест мацярдушкі^[1].

Прыгатаваньне

Мусака ў глыбокай форме (2017 год)

Для мусакі спачатку варта абабраць бульбу. Затым яе наразаюць скрылямі і запякаюць з абодвух бакоў да залацістай скарыначкі. Пасьля аблупліваюць цыбулю. Яе дробна сякуць і тушаць на алеі. У перца выдаляюць насеньне і пладаножку, пасьля чаго яго дробна наразаюць. Таматы наразаюць кубікамі і разам зь перцам выкладаюць у патэльню да цыбулі. Агароднінную сумесь тушаць 5 хвілінаў. У яе дадаюць ялавічны фарш і мацярдушку. Затым тушаць яшчэ 5 хвілінаў і памешваюць. Да атрыманай сумесі далучаюць таматную пасту і тушаць на сярэднім агні 20 хвілінаў. Баклажаны наразаюць доўгімі скрылямі і тушаць на алеі з абодвух бакоў^[1].

Для падліўкі бешамэль муку з даданьнем масла запякаюць на маленькім агні. Затым паступова ўліваюць малако і вараць да гушчыні з памешваньнем. Выключыўшы агонь, перамешваюць відэльцам яйкі. Іх уліваюць у патэльню, дзе перамешваюць^[1].

Бульбу выкладаюць на дно формы. Затым кладуць баклажаны. Зьверху разьмяркоўваюць слой ялавічнага фаршу з агароднінай. Усё заліваюць падліўкай бешамэль і пасыпаюць дробна натаркаваным сырам. Выпякаюць мусаку ў прагрэтай да +180 °C духоўцы цягам гадзіны^[1].