Міраціна

Міра́ціна^[1] — вёска ў Сычкаўскім сельсавеце Бабруйскага раёну. Знаходзіцца за 5 км ад чыгуначнае станцыі Мірадзіна на лініі Бабруйск — Менск, за 12 км на паўночны захад ад Бабруйску каля шашы Бабруйск — Менск, за 122 км ад Магілёва.

Міраціна
трансьліт. Miracina
Старыя надмагільлі на могілках
Першыя згадкі:	ХІХ стагодзьдзе
Краіна:	Беларусь
Вобласьць:	Магілёўская
Раён:	Бабруйскі
Сельсавет:	Сычкаўскі
Насельніцтва:	21 чал. (2010)
Часавы пас:	UTC+3
Тэлефонны код:	+375 225
Паштовы індэкс:	213847
СААТА:	7208840061
Нумарны знак:	6
Геаграфічныя каардынаты:	53°13′46″ пн. ш. 29°4′28″ у. д.
Міраціна на мапе Беларусі ± Міраціна Міраціна
Галерэя здымкаў у Вікісховішчы

Гісторыя

Магчыма, назоў ад прозьвішча Мірата, Мірацін, Мірацінаў. У першай палове ХІХ стагодзьдзя вядомая як вёска, дзяржаўная ўласнасьць. Паводле перапісу 1897 — вёска Мірацін (яна ж Панюшкавічы) Гарбацэвіцкае воласьці Бабруйскага павету, 29 двароў, 225 жыхароў. У 1907 — 20 двароў^[2], 212 жыхароў. У 1917 — 33 двары, 236 жыхароў, у 1926 — 36 двароў, 231 жыхар. У 1934 створаны калгас «Сёмы зьезд Радаў». У ВАВ 24 вяскоўцы загінулі на фронце. У 1959 190 жыхароў, у 1970 — 156. У 1986 44 гаспадаркі, 92 жыхары, сама вёска ў складзе саўгасу імя Леніна.

Насельніцтва

• XX стагодзьдзе: 1997 год — 35 двароў, 48 жыхароў; 1999 год — 41 жыхар
• XXI стагодзьдзе: 2007 год — 36 двароў, 26 жыхароў; 2010 год — 21 жыхар

Пляніроўка

Вёска ўяўляе сабой прамалінейную вуліцу арыентаваную з паўднёвага захаду на паўночны ўсход з двухбаковай драўлянай забудовай сядзібнага тыпу. У цэнтры вёскі знаходзіцца сквэр.