Міхаіл Жураўкоў

Міхаі́л Анато́льевіч Жураўко́ў (нар. 19 лістапада 1961, Салігорск, Менская вобласьць, цяпер Беларусь) — беларускі палітык, Міністар адукацыі Рэспублікі Беларусь, навуковец, доктар навук.

Міхаіл Жураўкоў
Міністар адукацыі Беларусі
27 сьнежня 2014 — 15 сьнежня 2016
Прэзыдэнт	Аляксандар Лукашэнка
Прэм’ер-міністар	Андрэй Кабякоў
Папярэднік	Сяргей Маскевіч
Наступнік	Ігар Карпенка
Асабістыя зьвесткі
Нарадзіўся	19 лістапада 1961 (63 гады) Салігорск, Менская вобласьць, БССР
Адукацыя	Беларускі дзяржаўны ўнівэрсытэт (1984)
Узнагароды	Мэдаль Францішка Скарыны

Біяграфія

Нарадзіўся 19 лістапада 1961 году ў Салігорску. Скончыў мэханіка-матэматычны факультэт БДУ (1979—1984), завочную асьпірантуру пры БДУ (1984—1987), доктар фізыка-матэматычных навук (1993)^[1].

У 1993—1996 — намесьнік начальніка службы аўтаматызаванай сыстэмы кіраваньня прадпрыемствам па распрацоўцы й укараненьні на прадпрыемстве Беларуськалій^[1].

У 1996—1997 — прафэсар катэдры тэарэтычнае мэханікі БНТУ. З 1997 году — прафэсар катэдры тэарэтычнае мэханікі й робататэхнікі БДУ, з 1999 — загадчык катэдры, з сакавіка 2007 — дэкан мэханіка-матэматычнага факультэту. Са студзеня 2009 году — першы прарэктар^[1]. 26 кастрычніка 2011 г. Указам № 491 А.Лукашэнка ўзнагародзіў М.Жураўкова мэдалём Францішка Скарыны^[2].

27 сьнежня 2014 году прызначаны Міністрам адукацыі Беларусі^[3]. Зьняты з пасады ў сьнежні 2016 году. Вярнуўся працаваць у БДУ, на катэдру тэарэтычнай і прыкладной мэханікі мэханіка-матэматычнага факультэту.